1 Vakorintho 1:30 - KITABU KITAKATIFU

³⁰ Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 1:30 ပူးပေါင်းရင်းမြစ်များ

Tsing'ano 1:20

Huliriza! Ovogeri vulangiliraa mu zinzira kandi havundu hoosi mu viitu.

Tsing'ano 2:6

Yahova niye uhaanaa vogeri, kutura kuye ahaanaa limanya kandi limanyiriza.

Tsing'ano 8:5

Mukikili nu lwana? Mwigi kuva vahindira. Muveeye vasiru? Mwigi kuva ni limanya.

Isaya 11:2

Roho wa Yahova alava harara naye. Roho wovogeri ni limanyiriza; Roho wukwidera kandi wizingulu, Roho wilimanyiliza kandi wukutia Yahova.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Danyeli 2:20

Yavoola, “Nyasaye aveeye mugeri kandi wizingulu. Kumwizominye mihiga ni mihiga.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Luka 11:49

Kigira yaga, ovogeri vwa Nyasaye vovoola ndi, ‘Ndakavatumiri avaporofeti na avatumwa, valala kuvo valakitwi, na avandi valakasaliri.’

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 17:26

Ndakokola umanyekane kuvo kandi ndazizagilira kokora ndio, kunangwa, uvuyanzi vwa oveeye navwo ku inzi vove muvo, nainzi mbe muvo.”

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

Varumi 12:5

Munzira ndala nzere, kali nikoveeye avanyingi, koveeye muviri mulala mu lihambanywa harara na Kristo, kandi kuhambana harara sa mulala ku wache kuli vivero lugano lugano viu muviri mulala.

Varumi 16:11

Mirembe ku Herodiani, mwiko wange Muyuda kandi ku vaamitu Vakrisitayo munyumba ya Narikisu.

Varumi 16:7

Mirembe jange jiduuki kandi ku Anduroniko na Yunia, aviiko vange Vayuda avaari muvuhambe harara ninzi. Yava vamanyikana ligali ku vatumwa, kandi vaagwa Avakristayo imbiri wange.

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Varumi 4:6

Yaga nigo aga Daudi yavoola lwa yamoloma kigira uvuyanzi vwu mundu wa Nyasaye avugiliraa kuva mulungi, natavalizi agandi goosi gumundu uyu akolaa:

Varumi 5:19

Kuli vandu vanyingi vakolwa avoni kigira livula kutia liu mundu mulala, nindio kandi avanyingi valakolwa valungi ku lihulira liu mundu mulala.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.

1 Vakorintho 12:18

Navuzwa kuli gaveeye, Nyasaye yalohiza vivero mu muviri sa kilala kuli mwene atovoraa.

1 Vakorintho 12:27

Munyi mwosi muveeye muviri gwa Kristo, kandi sa mulala ku munyi aveeye kevero chu muviri yigwo.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 4:15

Kali niiva muveeye na vigizi zielefu likomi mu Kristo, simuveeye na vababa vanyingi mba, kigira ndaagwa baba winyu mu Kristo Yeso ku limwilwaazira Ivangeri.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

2 Vakorintho 12:2

Manyi yaali ho musaza mulala Mukristayo mihiga likomi nagine jaavita, waavugulwa kuzia kuduuka mu ligulu lia kavaga. Simanyi niyaali mu muviri anoho niiva gaali amalola mba, navuzwa Nyasaye yenyine niyie umanyi.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vakolosai 1:14

muye koveeye novovoholore kutura mu vuhambe vwu uvwoni kandi, kusamiifwa uvwoni vwitu.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.