1 Vakorintho 1:27 - KITABU KITAKATIFU

²⁷ Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Vakorintho 1:27 ပူးပေါင်းရင်းမြစ်များ

Zaburi 8:2

vukumi vuvwo vwizominywa na avayaayi, kandi avana vadoto. Ivi wayumbaka imbinga ukwikinga kutura ku vasigu vovo vosi, kandi ukiring'anyia yavo avahing'anaa nivi, kandi avavanzi vi kisaalia.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Livalidza 22:30

Ibunda yaalivula, “Inzi simbeeye ibunda indala nzere yuninaaku mulimenya liilio liosi? Inzi ndakokolera ku ndi maziambiri?” Baalamu yativura, “Awa.”

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 21:16

Kunangwa vateva Yeso, “Uhuliraa gavavoola?” Yeso yavativulira, “Yee, ligali mbulira. Simwasoma Mang'oda Matakatifu yaga? Wayigiza avana vakekeeke na avana vanuuna vahane lizominya liduukiru ni minwa jaavo.”

Matayo 9:9

Yeso yatura ahene yaho; kandi lwa yaali navitaa, yalora mundu mulala ulangwa Matayo ni yikaye ha vasololeraa uvusuru. Yeso yamuvolera, “Nonda.” Nonoho Matayo yasingira naamulonda.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 7:35

“Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

Vikolwa 7:54

Lwa avakulundu vi kiyaalo vahuliriza amakuva ga Sitefano, vavihilirwa ligali, nivalumanyia amiinu gaavo mu uvutima.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 2:12

Kunyi sikwanyoola roho wi lirova yili, navuzwa kwanyoora Roho watumwa kutura ku Nyasaye, kuduuki kumanyiriza vihaanwa viosi via Nyasaye amali kuhaana ku kunyi.

2 Vakorintho 10:10

Kigira vavoola, “Zibarwa zia Paolo ziveeye ni zinguru, navuzwa mwene lwaveeza harara ni kunyi aveeye mudedekere mu muviri, kandi limoloma lilie siliveeye kindu mba.”

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.