1 Vakorintho 1:26 - KITABU KITAKATIFU

²⁶ Avaamitu vange, kalunu mwizurizi kuli mwaali lwa Nyasaye yamulanga. Kolondekana ni zing'anagani zia vandu, ni vakekeeke ku munyi avamwali vageri, anoho, aviivulwa munyumba yu vwamihi.

1 Vakorintho 1:26 ပူးပေါင်းရင်းမြစ်များ

2 Avami 5:4

Lwa Naamani yahulira amakuva yaga, yazia ku mwami namuvolera agu mukaana oyo yaali namuvooleye.

Ayubu 37:24

Kulwayago, avandu vosi vamutizaa; kandi siahendera mwoyo mundu woosi uganaganaa aveeye mugeri mu liegingira lilie mba.”

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Luka 1:3

Inzi kandi O, Wuluyali Zeofilo, mali mulihenzeriza ligali nokolohiza vindu yivi viosi kutura mulitanga, na galoleki ndi, ni vulahi ku inzi ngong'odere vindu viosi kuli viveeye.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Vikolwa 13:12

Lwu munene wi kisulu oyo yalora yaga, yasuuvira nagenya ligali ku amigizu gu Mwami ga yahulira.

Vikolwa 13:7

Uyu yaali mulina wu mwami Serigo Paolo, uwaali mundu mugeri ligali. Yaali munene wi kisulu yicho. Serigo Paolo yalanga Baranaba na Saolo aduuki kuhulira likuva lia Nyasaye.

Vikolwa 17:34

Navuzwa avandu valala vahambana naye nivasuuvira. Mulala kuvo yaali Dionisio mulala ku avikiyaalo cha Areopaga, kandi yaali ho mukali mulala walangwa Damari, na avandi avasuuviraa harara navo.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 2:13

Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

Vafilipi 4:22

Avakristayo vosi hano vamuchelizi mbitilirayavo avaveeye vinyumba yu uvwami vwa Kaisari.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

2 Yohana 1:1

Inzi Umukulundu, ng'oderaa ivi Umukali Mutovole na avana vovo, ava inzi nyanza mu agiligali, kandi siaveeye inzi nzienyine, navuzwa yavo vosi avamanya agiligali vayaanza munyi,