1 Vakorintho 1:20 - KITABU KITAKATIFU

²⁰ Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 1:20 ပူးပေါင်းရင်းမြစ်များ

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 16:23

Zing'anagani ziosi zia Ahizofeli yahaana mu madiku yago ziavugilirwa kuli ziali ligali likuva lieligali kutura ku Nyasaye; vombi Daudi na Abisolomu vazilonda.

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

Ayubu 12:17

Nyasaye atulizaa ovogeri ku avideeri, kandi alombaa avakalagi kuva kuli avasiru.

Ayubu 12:20

Nyasaye atulizaa ho livoora lia vasaza vaveeye avasuuvirifu, kandi atulizaaho limanya lia avakulundu.

Ayubu 12:24

Atulizaa ho limanya kutura ku avamihi va avandu vi kivala, kandi avoloomba kogendagenda mu changarangwi hataveeye ni inzira kali indala;

Isaya 33:18

Uvuti vuvwo vwakale vwa vasololi vuvusuuru kandi vwa avatunyirizi vulava chukwizuliza mu zing'anagani.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Isaya 53:1

Avandu vaativura; “Nivwaha usuuviyi makuva giitu? Nivwaha wi zinguru zia Nyasaye ziavulika kuye?

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Varumi 1:22

Kali niiva vavoola aveene ndi vaveeye vageri, na ng'ani navasiru;

1 Vakorintho 1:19

Amang'oda Matakatifu gavoora, “Ndadiviza ovogeri vwa vageri, kandi ndaviika halovega limanyiriza lia yavo vi lisoma linyingi.”

1 Vakorintho 1:26

Avaamitu vange, kalunu mwizurizi kuli mwaali lwa Nyasaye yamulanga. Kolondekana ni zing'anagani zia vandu, ni vakekeeke ku munyi avamwali vageri, anoho, aviivulwa munyumba yu vwamihi.

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Vakorintho 1:28

Nyasaye yatovola vindu vialegerizwa kandi viachaywa mu lirova aduuki kwononyia vindu via vandu vaganagana kuva vidukiru.

1 Vakorintho 11:32

Navuzwa kukalagirwa kandi koheevwa amageri kutura ku Mwami kunangwa kulavuli kukalagirwa harara na vandu vumulirova.

1 Vakorintho 2:6

Kali ndio, nzilwazaa likuva lio vogeri ku yavo avaveeye vadukiru mu Roho. Navuzwa vogeri yivu sivoveeye vwi lirova yili liegiza, anoho vwa vami avamiiha lirova yili, avaveeye kunzira yu kudiva mba.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”

1 Vakorintho 6:2

Si mumanyi ndi avatakatifu valakakalagiri lirova? Niiva vumulirova valakakalagirwi ni munyi, kigira ki simuduukana kukalaga kali mu makuva makekeeke?

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.