1 Vakorintho 1:2 - KITABU KITAKATIFU

² Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 1:2 ပူးပေါင်းရင်းမြစ်များ

Litanga 12:8

Inyima wa yaga, Aburamu yazia Isavaalu ku kiguru keveeye Ivugwi wi Lidaala lia Bezeli. Yumbaka lihema Imadioli wa Bezeli na Ivugwi wa Ayi. Hene yaho kandi, yumbaka uvwali ma nasigamira Yahova.

Litanga 4:26

Sezu yivula mwana muyaayi na yamugulika lieta lilie Enosi. Kutura ing'inga yene yeyo, avandu vatanga lisigamira lieta litakatifu lia Yahova.

Zaburi 45:11

uvulahi vwi ligondo liilio vulalomba mwami kukukayirwa; aveeye munene woovo, kunangwa kuduuka umuhuliri.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vikolwa 18:1

Inyima wa yaga, Paolo yatura Azene, nazia Korinzo.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vikolwa 9:13

Navuzwa Anania yativura, “Mwami, ndaahulira amakuva gu mundu oyo ku avandu vanyingi. Ndaahulira vindu vidamanu via yakola ku avandu vovo mu Jerusalemi.

Vikolwa 9:14

Yaazi hano, na aveeye ni zinguru kutura ku vasaalisi vanene kovoha vosi avasigamiraa Ivi.”

Vikolwa 9:21

Avandu vosi avamuhulira vagenya ligali ni vavoola, “Mundu uyu siaveeye niyie witaa vandu avasigamiraa Yeso mu Jerusalemi? Siyaazi hano kandi ni kivuni chu kugumira avandu yavo kandi avahile ku avasaalisi vanene!”

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 12:27

Munyi mwosi muveeye muviri gwa Kristo, kandi sa mulala ku munyi aveeye kevero chu muviri yigwo.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vagalatia 1:2

Avaamitu vosi avaveeye hano vahambanaa ninzi mu lituma mirembe ku munyi amakanisa ga Galatia.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

1 Vatesalonike 1:1

Inzi Paolo, harara na Sila na Timateo, kong'oderaa munyi avandu vi likanisa liveeye ha Tesalonike avaveeye ava Nyasaye Baba kandi avu Mwami wiitu Yeso Kristo: Zimbavasi ni mirembe vive ku munyi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

2 Vatesalonike 1:1

Inzi Paolo, Sila na Timateo, Kong'odera munyi avandu vi likanisa liveeye mu Tesalonike, avaveeye ava Nyasaye Baba wiitu, kandi Mwami wiitu Yeso Kristo:

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 13:12

Kigira yaga Yeso kandi yakuzira ichova wi lidaala linene aduuki kutakasa avandu kutura muvwoni na masahi geege mwene.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”