1 Vakorintho 1:18 - KITABU KITAKATIFU

¹⁸ Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 1:18 ပူးပေါင်းရင်းမြစ်များ

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 2:2

Lwa ndaali ni munyi ndatovora mburi kumanya kindu choosi hagati hinyu nitali Yeso Kristo mbitilira likuza lilie ku musalaba.

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

2 Vakorintho 10:4

Iviugi via kutumikira mu vulwani vwitu siviveeye kuli viugi vie lirova yili, navuzwa viugi vie zinguru zia Nyasaye via kutumikira kandi kwononyia zimbinga zindinyu zia vasigu.

2 Vakorintho 4:3

Niiva Ivangeri ya kwilwazaa sielorekaa mba, eveeye vuzwa inzivisu ku yavo avagotanga.

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.

2 Vatesalonike 2:10

Alatumikira kandi uvugadi vwi zing'ano ziosi ku yavo avadivaa. Valadiva kigira vasuura kuyaanza agiligali ku vaduuki kohonywa.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.