1 Vakorintho 1:11 - KITABU KITAKATIFU

¹¹ Avaamitu vange, mali konyoora makuva ginyu kutura ku vandu valala ku avinyumba ya Kiloe, ndi lirembana liveeye hagati hinyu.

1 Vakorintho 1:11 ပူးပေါင်းရင်းမြစ်များ

Litanga 27:42

Navuzwa Rabeka mama weve lwa yahulira lilohiza lia Esau, yatumana Yakobo namuvolera, “Hulira, amwavo woovo Esau alohizaa kuvanza kisaalia ku kwita.

Litanga 37:2

Yaga na makuva ginyumba ya Yakobo: Josefu, muyaayi musoleri wi mihiga 17 yalinda chayo chi mitugu harara na vamwavo veve, avayaayi va Biliha na Ziliba navakari vababa weve avaviika. Yavolera baba weve makuva madamanu aga vamwavo veve vaakora.

Tsing'ano 13:10

Liegingira si liletaa kindu, navuzwa liletaa vudinyu. Voveeye vulahi kwenya miigizu.

Tsing'ano 18:6

Makuva gumundu musiru galetaa volembani, goosi agaavoola galetaa vudinyu kuye.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 1:12

Leka mbore ndi: sa mulala ku munyi avoora kindu lugano ku wundi. Mulala avoora, “Inzi nondaa Paolo”; wundi avoora, “Inzi nondaa Apolo”; wundi avoora, “Inzi nondaa Petero”; kandi wundi avoora, “Inzi nondaa Kristo.”

1 Vakorintho 11:18

Mali kovolerwa ndi, ikindu chu kutanga lwa muvuganaa harara kuli avasangi, amahangari gaveeye hagati hinyu, inzi suuviraa malala kugo gaveeye agiligali.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Vafilipi 2:14

Mukore ivindu viosi vugira liegana anoho amahangari,

Tito 3:9

Navuzwa welehe ku mahing'ani guvusiru, ku lihing'ana guvusiru, ku amita manyingi ga vaguuga, mahangali, kandi ovolembani ku lilaga. Vindu yivio siviveeye nuvukara vwosi mba, kandi viveeye via vuzwa.