1 Vakorintho 1:10 - KITABU KITAKATIFU

¹⁰ Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 1:10 ပူးပေါင်းရင်းမြစ်များ

Zaburi 133:1

Henza kuli voveeye vulahi, kandi kindu chukuyaanziza ku avandu va Nyasaye, komenya harara mu vuhambani!

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Matayo 9:16

“Mundu siyanaviraa kilavi chinguvu imbia kunguvu ingulu yeyo nayo ilatanduka vudamanu ligali.

Marko 2:21

“Sihaveeye ho nu mundu ukalaa kilavi chinguvu imbia ma akinavira kunguvu ingulu mba. Naakoraa ndio, ikilavi kihia yicho kililinga makihuduli inguvu yeyo, nayo ilatandukila ligali.

Marko 3:24

Niiva uvwami vwi kivala vulavukana uvwene, uvwami yivwo si vunyala kusingira mba.

Yohana 10:19

Liali ho ni liavukana kandi hagati ha Avayuda kigira amakuva gene yaga.

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Yohana 7:43

Kunangwa gaaliho lihangalizana mu kiduma.

Yohana 9:16

Valala ku Avafarisayo vavoola, “Mundu uyu saiaveeye uwatula ku Nyasaye mba, kigira sialindaa Lilaga lie Lisabato mba.” Navuzwa avandi vavoola, “Mundu wu vwoni anyala kokora ndi vilolekizu ku yivi?” Vaali ni liavukana hagati haavo.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Varumi 15:30

Kunangwa avaamitu vange, mugoonyaa ligali imbiri wo Mwami wiitu Yeso Kristo, kandi mu vuyanzi vwa Roho ahaanaa, muhambane harara ninzi mu lisaala nu mwoyo gwu vugulu ku Nyasaye.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

1 Vakorintho 1:11

Avaamitu vange, mali konyoora makuva ginyu kutura ku vandu valala ku avinyumba ya Kiloe, ndi lirembana liveeye hagati hinyu.

1 Vakorintho 11:18

Mali kovolerwa ndi, ikindu chu kutanga lwa muvuganaa harara kuli avasangi, amahangari gaveeye hagati hinyu, inzi suuviraa malala kugo gaveeye agiligali.

1 Vakorintho 12:25

Kulwayago iliavukana mu muviri litavaho mba, navuzwa ivivero viagwo viosi viduuki kohendera vivero vindi viene.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

1 Vakorintho 4:16

Kunangwa, mugoonyaa ligali mwigi kutura ku inzi.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vagalatia 4:12

Ng'onyaa munyi avaamitu vange, muve kuli inzi. Kali ndio inzi mbeeye kuli munyi. Mukikiri kongolera uvudamanu vwosi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 3:16

Leki komenye vuzwa mu amalago malala meere aga kwa gumira kutura yilwo kuduuka lero.

1 Vatesalonike 5:13

Mu vavugiliri ligali mu vuyanzi kigira miyinzi jaavo ja vakora. Mumenye ni mirembe hagati hinyu munyi aveene naveene.

2 Vatesalonike 2:1

Kolondekana ni liza liu Mwami wiitu Yeso Kristo kandi ku liletwa harara lietu kuva naye: Ku mugoonyaa avaamitu, viitu,

Joshua 22:15

Vazia mu kivala cha Gileadi, ku vandu va Rubeni, Gadi, ni inusu ya Manase wi Ivugwi.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.