1 Samweli 7:1 - KITABU KITAKATIFU

¹ Kunangwa avandu va Kiriazi-Jearimu vavugura lisandugu lie Lilagana lia Yahova kandi nivalihila munyumba yu mundu ulangwa Abinadabu, uwamenyaa ku kiguru. Vasaalisa muyaayi weve Elieza ave mulindi walio.

1 Samweli 7:1 ပူးပေါင်းရင်းမြစ်များ

1 Kyetsinyinga 13:3

Hene yaho kulazia koleta Lisandugu lie Lilagana lia Nyasaye iliali nilialekwa vuzwa lwa Saolo yaali mwami.”

Zaburi 132:6

Kwahulira amakuva gi Lisandugu lie Lilagana mu Bezelehemu, na kwalinyoola mu milimi ja Jearimu.

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Joshua 18:14

Lwako lwazizagilira komeedwa kolovega lundi, kovodong'ana kohenza Isavaalu kutura kolovega lwi imadioli wi kiguru yiki kandi kuzia kuduuka Kiriazi Baali anoho Kiriazi-Jearimu iliveeye lidaala linene lie ihiiri ya Yuda. Yilu lwali lwako lwimadioli.

Joshua 9:17

Kunangwa vandu va Isiraeli vasamula ku logendo kandi ku lidiku lia kavaga, vaduuka mu madaala mwa vandu yava vamenya: Gibeoni, Kefira, Beorozi, na Kiriazi-Jearimu.

1 Samweli 6:21

Vaatuma avatumwa ku vandu va Kiriazi-Jearimu kovora, “Avafilisitia vamali kwilanyia Lisandugu lie Lilagana lia Yahova. Hambi yinu mulivuguli.”

1 Samweli 7:2

Lisandugu lie Lilagana lia Yahova liamenya mu Kiriazi-Jearimu ku ing'inga indambi, ahimbi mihiga sirini. Ing'inga yiyi yoosi, Avaisiraeli vosi vanira ku Yahova avakonye.