1 Samweli 30:21 - KITABU KITAKATIFU

²¹ Ahene yaho, Daudi yirana ku vasaza 200 avaari avadedekere ligali kuzia naye ma nivatigara inyima ha kagera ka Besori. Vazia vwangu kwaganira Daudi na vasaza vi liihi veve, kandi Daudi yazia kuvo navacheliza nuvuyanzi.

1 Samweli 30:21 ပူးပေါင်းရင်းမြစ်များ

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

Vakalagi 8:15

Kunangwa Gidioni yazia ku vandu va Sukozi navavoolera, “Mwizulizaa ulwamwasula kongonya? Mwavoora simunyala kuhaana ichukulia choosi ku liihi liange iliali ni liluhi ligali mba kigira ndaali ningikiri kugumira Zeba na Zalimuna. Kalunu mbeeye navo!”

1 Samweli 17:18

Uhiliri munene wa vasikari wavo zingonye likomi zia maveere gaseezwa yaga. Wenyelerizi kuli avamwavo vaavo vaveeye na okoleetere kindu chukumanyia kunyi ndi waakuvalola kandi vaveeye avalamu.

1 Samweli 17:22

Daudi yaleka chukulia, vindu via yaali navio mu vulindi vwu munene ulindaa viukulia ni vindu via vasikari vatumikira, nanyagura kuzia ku liihi lia vasikari, nazia ku avamwavo veve, navacheliza nokoteeva kuli vazizagiliraa.

1 Samweli 30:10

Daudi yaazizagilira nologendo lwilwe na vandu 400; avandu vandi 200 vaali nivaluhi ligali kwambuka kagera zana; kulwayago, vaatigara inyima.

1 Samweli 30:22

Navuzwa valala ku vandu vaali viimani kandi avadamanu avaari nivalondi Daudi, vavoola, “Sivaziiyi muvulwani ni kunyi, nandio sikulavaha ku vilaanye via konyooye mba. Vanyara kuvugura vuzwa vakali na vana vaavo ma vazie.”