1 Samweli 28:15 - KITABU KITAKATIFU

¹⁵ Samweli yavolera Saolo, “Kigira ki unyangizaa? Kigira ki ni ongora nzirane?” Saolo yativura, “Mbeeye mu kivi kenene ligali. Avandu va Filisitia vaveeye nuvulwani niinzi; na Nyasaye ondeki. Siandivuliraa kandi mba, kali kuvitira mu vaporofeti kinga ku maloto mba. Nandio mali kukulanga uduuki kombolera cha ndukanaa ngole.”

1 Samweli 28:15 ပူးပေါင်းရင်းမြစ်များ

Zaburi 51:11

Utaangunga nduli imbiri woovo mba, utatuliza Roho Mutakatifu ku inzi mba.

Tsing'ano 14:14

Vandu vadamanu valanyora agadukanaa navo, navuzwa vandu valahi valanyora madanyi gi likora lilahi.

Hosea 9:12

Kali niiva valiivula vana, ndaviita vosi. Lwa nanduli kuvo, navave mu kivi kenene ligali.”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Vakalagi 16:20

Maku Delila yahanzuka, “Samusoni! Vandu va Filisitia vazaa!” Samusoni yavuka nasuuvira alavuuka mazie chova kuli kazozo. Siyamanya Yahova yaali naamuleki mba.

1 Samweli 18:12

Saolo yatia Daudi kigira Yahova yaali harara naye, navuzwa Yahova yaali naleki Saolo.

1 Samweli 23:2

Kunangwa yateeva Yahova, “Ngazia kwingilira vandu va Filisitia naho?” Yahova yativura, “Yee, vingiliri na ohonyie Keila.”

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”

1 Samweli 28:11

Mukali zana yateeva, “Ngulangili vwaha?” Saolo yativura, “Samweli”

1 Samweli 28:16

Samweli yavoola, “Kigira unanga lwa Yahova amali kukoleka nukugwa musigu woovo?

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.

1 Samweli 28:8

Kunangwa Saolo yegoyanya; Yiviika zinguvu zindi, kandi lwa isi yaali ni ya ka mwama, yazia harara na vandu veve vaviri kolola mukali zana. Yamuvolera, “Ondevere misambwa na ombolere kizizaa kwekoleka. Nangila chiriri u chu mundu wa inzi manya mutale.”

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.