1 Samweli 28:14 - KITABU KITAKATIFU

¹⁴ Saolo yateeva, “Kifaanaa ndi?” Mukali oyo yativura, “Aveeye musakulu nakutulaa hasi mu lirova; yiviiki inguvu yafanana ni iganza yukumufuuma.” Ahene yaho Saolo yamanya ndi ni Samweli; na yinama hasi kuhaana luyali.

1 Samweli 28:14 ပူးပေါင်းရင်းမြစ်များ

1 Avami 19:19

Kunangwa Elija yazia nanyoora Elisha muyaayi wa Shafati naalima ni miganda je zing'ombeli likomi na jiviri miganda likomi namulala jiali imbiri weve, naye yalima nu muganda gwu kumaliriza. Elija yaatuliza inguvu yeeye yukwiyuhira naagisigisa ku Elisha.

2 Avami 1:7

Mwami yavateva, “Mundu oyo afaanaa ndi?”

2 Avami 2:8

Maku Elija yaatuliza inguvu yu vusaalisi yeye nagilinga harara kandi nagikuya ku mazi, amazi gavukana na Elija na Elisha vaambuka kuzia ku luginga Lundi ku marova amuumu.

1 Samweli 15:27

Ahene yaho, Samweli yagirungana atuli kuye, navuzwa Saolo yagumira lukigiti lwi iganza yeeye nayo yatanduka.

1 Samweli 24:8

Maku Daudi yatura ichova naamulondelera kandi naamulanga, “Mwami wange!” Saolo yikivuka kandi Daudi yinama hasi kuhaana luyali

1 Samweli 28:13

Mwami yamuvolera “Utatia mba. Ololaa ki?” Yamutivulira, “Ndolaa chiriri nikisinuka kutura mu lirova.”