1 Samweli 25:39 - KITABU KITAKATIFU

³⁹ Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.

1 Samweli 25:39 ပူးပေါင်းရင်းမြစ်များ

2 Samweli 1:16

Daudi yavolera umumaleki zana oyo, “Ivi weleeteye yaga ivi mwene. Waali kwiikalagira umwene lwa uvugiliyi ndi waali kwita oyo wa Yahova yatovola kuva mwami.”

1 Avami 2:44

Ivi umanyi vulahi ligali vudamanu vwosi vwa wakolera baba wange Daudi. Yahova alakuha mageri kigira gene yago.

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Esther 9:25

Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Zaburi 7:16

Kunangwa vahevangwa mageri malulu kigira uvudamanu vwavo aveene, kandi vasalirizwa nu vutindi vwavo aveene vwa vakolera avandi.

Zaburi 9:5

Ivi umali kogondokera avizihiiri, nu kuvadiviza ligali, umali kuvakola vivilirwi mihiga ni mihiga.

Tsing'ano 18:22

Oyo onyoora mukali, umali konyoora kindi kilahi kandi anyoora liyaanzilira kutura ku Yahova.

Tsing'ano 19:14

Umundu anyala kuvugura inyumba na mabese kutura ku vivuli veve, navuzwa Yahova alamuha mukali mugeri.

Tsing'ano 22:23

Yahova alasingilira kiyaalo chavo, kandi alalanya yavo avalanyaa avadaka.

Tsing'ano 31:10

Nivwaha unyala konyoora mukali mulahi? Aveeye mulahi ligali kuvita magina guvuguli.

Tsing'ano 31:30

Vulahi voveeye vwu vugadi, ni ligondo liveeye vuzwa, navuzwa mukali uhaana luyali ku Yahova adukanaa yizominywi.

Lwimbu lwa Solomoni 8:8

Koveeye na mbozo musoleri zimbeere zizie zigikiri kuviruka kulakola ki kuye lwu muyaayi musoleri yaza kumuteeva?

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

2 Vakorintho 13:7

Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Vakalagi 5:2

Yahova yizominywi! Avandu va Isiraeli vaali nilienya kulwaana; avandu viituliza aveene.

1 Samweli 24:15

Yahova alakakalage, kandi alakalole nivwaha ku kunyi oveeye mudamanu. Yahova aheenze mu makuva yaga, ma yangingi kandi yaambonyie kutura ku ivi.”

1 Samweli 25:26

Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.

1 Samweli 25:32

Daudi yavolera Abigaeli, “Yahova Yizominywi Nyasaye wa Isiraeli, ukutumi lidiku linu kuuza kwagana niinzi!

1 Samweli 25:34

Yahova umali kungaya mburi kukusaliriza. Navuzwa nzisuuhaa mu lieta lia Nyasaye oveeye mwoyo wa Isiraeli ndi ivi ulavula kokora vwangu kuuza kunzaganira, ngano vwali vuchezange vuzwa na vandu va Nabali vosi nivamali kukuza.”

1 Samweli 25:40

Avatumikiri va Daudi vazia kuye ha Karimeli nivamuvoolera, “Daudi atumi kunyi ku ivi kukuhiri kuye ove mukali weve.”

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.