1 Samweli 22:3 - KITABU KITAKATIFU

³ Daudi yazia kutura ahene yaho Mizipa mu kivala cha Moabu. Kandi navolera mwami wa Moabu, “Mwaza nunyaanza leka baba na mama wange vaze komenya na ivi kuduuka lwa manyiriza cha Nyasaye azizaa kongolera.”

1 Samweli 22:3 ပူးပေါင်းရင်းမြစ်များ

Litanga 47:11

Maku Josefu yidikiriza baba weve na vamwavo veve mu kivala kilahi cha Egebeti ahimbi ni lidaala linene lia Ramesesi ma navaha miandu, kuli mwami yaali nalagi.

2 Samweli 8:2

Maku yaguuta vandu va Moabu kandi. Yahaana lilago avahambe vagone hasi kandi niyiita vaviri ku vuli vavaga kuvo. Kunangwa vandu va Moabu vaagwa avatumikiri veve kandi vatuunga uvusuru kuye.

Kutwula 20:12

“Muhaane luyali ku vababa vinyu va vamama vinyu, kunangwa muduuki komenya ing'inga indambi mukivala chamuhezaa.

Vakalagi 11:29

Maku Roho wa Yahova yaza ku Jefuza. Jefuza yaavitira Gileadi na Manase, ma niyiirana Mizipa mu Gileadi kandi nazia mu Amoni.

Ruth 4:10

Kandi mali kuvugura Ruzi, mukali mutiga Mahaloni, kuva mukali wange, nduuki kuzizagiliriza lieta lia uyu wakuza ku miandu jije; lieta lia uyu wakuza livuli kogota mu vamwavo veve, kandi mukirivwa chiche mba. Munyi muveeye avalolekizi kalunu.”

Ruth 4:17

Avakali avateende veve vamugulika lieta, Obedi; vavoolera mundu woosi, “Mwana muyayi wivuliiywi ku Naomi!” Obedi yaali baba Jese, uwaali isi Daudi.

1 Samweli 14:47

Inyima wa Saolo yaali niyakagwa mwami wa Isiraeli, yalwana na vasigu veve havundu hoosi ku vuli lovega: avandu va Moabu, ava Amoni na Edomu, avami va Zoba kandi vandu va Filisitia. Yaali muguuti havundu hoosi ha yalwana.

1 Samweli 22:2

Avandu vosi avadambizangwa anoho avaari mu magovi kinga avavura kuyaanzizwa ni liiva liuvwami, vazia kwiyunga naye, kandi yagwa mwimiliri wavo. Ahimbi avasaza 400 vaali naye.

1 Samweli 22:4

Kunangwa Daudi yaleka aviivuli veve nivamenya nu mwami wa Moabu, na vamenya yo ku madiku goosi ga Daudi yaali niyivisi mu luhangaywa.

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”