1 Samweli 2:8 - KITABU KITAKATIFU

⁸ Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.

1 Samweli 2:8 ပူးပေါင်းရင်းမြစ်များ

Litanga 41:14

Maku mwami yatumana Josefu kutura munyumba ya vahambe, na yaletwa vwangu. Inyima wa yaali ni yakavega liisu kandi niyiviiki zinguvu zi ndahi, yazia imbiri wu mwami.

Litanga 41:40

Inzi ndakokola wamihi kivala change, kandi vandu vange vosi valatia malago googo. Navuzwa ndava munene kukuvita.

2 Samweli 7:8

“Kunangwa volera mutumikiri wange Daudi ndi, inzi Yahova wanyala Viosi muvooleraa, ‘Ndaakuvugura kutura mu liaya amagondi mu milimi kandi ningokola ove mwamihi wa avandu vange Isiraeli.

1 Avami 16:2

“Ivi siwaali mundu wamanyikana mba, navuzwa ndakokola mwimiliri wa vandu vange Isiraeli. Na kalunu umali kokora vwoni kuli Jeroboamu kandi umali kwimilira vandu vange kuduuka mu vwoni. Vwoni vwavo vumali kuvukiza vutima vwange,

2 Avami 9:6

Vingira vombi munyumba, na umuporofeti musoleri oyo yitulura maguta ga muzeituni ku mutwi gwa Jehu, namuvolera, “Yahova, Nyasaye wa Isiraeli alandizaa ku ivi ndi: ‘Nguvakaa maguta uve mwami wa vandu vange Isiraeli.

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Ayubu 2:8

Ayubu yazia niyikara mu ligoke, navugura kijonjo natanga kwiyagira.

Zaburi 102:25

Ivi walomba lirova zing'inga zia kale ligali kandi walomba ligulu namakono googo umwene.

Zaburi 104:5

Ivi wavika imise je lirova jadinya ligali, kandi sijiladengeyizwa mihiga ni mihiga mba.

Zaburi 107:41

Navuzwa Nyasaye ahonyia avadaka kutura mu vudinyu vwavo, kandi yakola avizinyumba ziavo komeedeka ligali kuli viayo via magondi.

Zaburi 24:2

Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

Zaburi 75:3

Kali niiva vilombe viosi mu lirova lidengeyizwa, inzi mwene niyie usingirizaa misingi jalio vudinyu.

Zaburi 75:4

Inzi mbolera avigingiri, mutigingiri mba. Kandi mbolera avachamu, muteloli mba.

Zaburi 75:7

Navuzwa Nyasaye mwene niyie oveeye mukalagi; Agehizaa zinguru zia valala, kandi anenehiza zinguru zia avandi.

Kohelethu 4:14

Kali niiva yatura mu vuhambe nazia ku vwamihi anoho mu kivala chu vwamihi vwivwe, yiivulwa mudaka.

Isaya 22:23

Ndakamukole ave mudinyu ligali mu vutumiki vwivwe, kuli lihema lilombwa vudinyu hasi mu malova, kandi Eliakimu alakave vutangiliru vwu luyali ku avandu vi inyumba yeye yoosi.

Danyeli 2:48

Maku yakola Danieli kuva mwimiliri munene, kandi naamuha vihaanwa vilahi, namukora mwimiliri wi kivala cha Babiloni kandi mwimiliri wa vahaani vi zing'anagani munyumba yu vwami.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 6:3

Nonoho Danieli yamanyia ndi yaali unyala kokora miyinzi vulahi kuvita vasingiliri vandi anoho vamiihi vandi: Kigira Danieli yaali ni lihulira lia vwangu, mwami yaganagana ku muviika alindi vwamihi vwivwe vwosi.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”

1 Samweli 15:17

Samweli yativura, “Kali nuwiganagana kuva mukekeeke, ivi oveeye mwimiliri wi zihiiri zia Isiraeli. Yahova yakuvaka maguta ove mwami wa Isiraeli.