1 Samweli 19:1 - KITABU KITAKATIFU

¹ Saolo yavolera muyaayi weve Jonazani harara na vatumikiri veve ndi asaavilaa kwita Daudi. Navuzwa Jonazani yaali ni yayanza Daudi kuvita kegero,

1 Samweli 19:1 ပူးပေါင်းရင်းမြစ်များ

Litanga 37:18

Lwa vamulolera ihale nakikiri kuduuka ha vaali, valohiza zing'anagani muvwivisu kumwita.

2 Samweli 4:8

Vaahana mutwi gwa Ishiboshezi ku mwami Daudi ha Heburoni, nivamuvoolera, “Ngugu umutwi gwa Ishiboshezi, muyaayi wu musigu woovo Saolo, uwageriza kukwita. Kalunu Yahova uvugiliyi Mwami wiitu kuvanza kisaalia ku Saolo na visukululwi viivie.”

1 Samweli 18:1

Lwa Daudi yaali niyakamara kuvolerana na Saolo yaga, mwoyo gwu muyaayi wa Saolo Jonazani yayanzizwa ligali na Daudi, ma naamuyaanza ligali kuli yiyaanza mwene.

1 Samweli 18:25

na Saolo yavalaga vavoolere Daudi: “Chu mwami yenya vuzwa kutura ku ivi kuli uvukwi kigira mwiha na magodo 100 agakeveywe kutura ku vandu va Filisitia vakuzi, kuli kisaalia ku vasigu veve.” Nindi Saolo yasavira Daudi yiitwi na Avafilisitia.

1 Samweli 18:3

Hene yaho, Jonazani yalomba lilagana liemihiga ni mihiga na Daudi kigira yamuyanza kutura musi mwu mwoyo gwigwe.

1 Samweli 18:8

Saolo siyayaanzilira livoora yili mba, kandi yavihilirwa ligali. Yavoola, “Ku Daudi vamutaliraa makomi gi zielefu, navuzwa ku inzi zielefu zieng'ine vuzwa. Kitigaye vuzwa na vamukole mwami.”

1 Samweli 18:9

Nandio yakendekera Daudi nu kumuganaganira uvudamanu kutura lidiku yilio kuzia imbiri.

1 Samweli 19:2

kandi Jonazani yamuvolera, “Baba wange agerizaa kukwita. Mwaza nuyanza ove manyo mugambazuri; wivise havundu hatamanyikani na omenye ho.

1 Samweli 20:1

Maku Daudi yiruka kutura Nayozi mu Rama nazia ku Jonazani. Yateeva, “Ngoli ki? Nzoni ki? Ngoleeye baba woovo vudamanu ki uvugiraa niyenya kunzita?”

1 Samweli 20:19

Lidiku lilonda mugamba, niiva ulavula kuvaho, ulamanyikana ligali kuvita; kunangwa, zia havundu ha wivisa ing'inga yu vudinyu yivu vwatanga, na wivisi yaho inyima wi kitumi cha magina.