1 Petro 5:9 - KITABU KITAKATIFU

⁹ Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

1 Petro 5:9 ပူးပေါင်းရင်းမြစ်များ

Luka 22:32

Navuzwa inzi mali kukusaalira ku Nyasaye, Simoni, ndi lisuuvira liilio litageha mba. Lwa ivi wirana ku inzi, uladinyiriza mioyo ja avamwavo vovo.”

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

1 Vakorintho 10:13

Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.

Vafeso 4:27

Mutahaana uvwiyangu ku Setani mba.

Vafeso 6:16

Kuvita yaga goosi, mugiingi inguva yi lisuuvira kazozo, ya mulinyala kusiminyira uvuta ni mivano josi ju muliru ju mudamanu.

Vakolosai 2:5

Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

1 Vatesalonike 3:3

Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.

Vahebraina 11:33

Kuvitira mu lisuuvira, valwaana kandi ni vaguuta vivala viosi. Vakora agaali malungi, ma nivanyoora ga Nyasaye yasuuviriza. Vakunika minwa jiving'ang'a,

Vahebraina 12:8

Navuzwa mutahevwe amageri kuli vana veve vandi vosi, muveeye avana vi indasimba.

Yakobo 4:7

Kunangwa, mwegehizi ku Nyasaye; Muhingiri Setani, naye alamwiruka.

1 Petro 1:6

Musangare ligali mu yaga, kali niiva gamudukira muve niliverera kigira magerizu manyingi aga munyoora

1 Petro 2:21

Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 6:11

Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.