1 Petro 5:8 - KITABU KITAKATIFU

⁸ Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

1 Petro 5:8 ပူးပေါင်းရင်းမြစ်များ

Esther 7:6

Esiteri yativura, “Musigu wiitu, ukudambizaa, nu mundu mudamanu Hamani uyu!” Hamani yumika mwami harara nu mwami wikikali nu vuti vonene ligali.

Ayubu 2:2

Yahova yateeva Setani, “Ivi utura haliha?” Setani yamutivulira, “Inzi nduraa kogendagenda yiyi ni yiyi nokovodong'ana mu kivala.”

Zaburi 104:21

Zisimba zisoleri zihumaa lwa zihiimaa, nizigendagenda nizienyeleriza chukulia chazio kutura ku Nyasaye.

Zaburi 109:6

Otovole mukalagi mudamanu ayaalizi musigu wange, na oleke mulala ku vasigu veve mwene amuyaale.

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Tsing'ano 28:15

Mundu muchamu wamihaa avadaka aveeye kuli isimba ihuuma anaho iduba esetaa.

Isaya 50:8

Nyasaye mukingi wange aveeye ahimbi na inzi. Nivwaha unyala kuhing'ana na inzi? Hambi kuhambane harara. Nivwaha unzaaraa? Yaaze kuhing'anana ni inzi!

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 51:38

Avandu va Babiloni vosi valahuuma kuli zisimba, kandi valakenya kuli mwana wi simba.

Ezekieli 19:7

Yadiviza zimbinga kandi madaala; lihuuma lilie liezingulu liatiihiza vuli umundu.

Ezekieli 22:25

Aviimiliri vaavo vaveeye kuli zisimba zihuumira ku zinyama ziaimali kwita. Vita avandu, mavavugula mabese harara ni miandu josi javanyala konyoora, kandi muliita liavo valeka avakunzakali vanyingi.

Danyeli 6:24

Maku mwami yahaana malago vandu vosi vayaala Danieli vagumirwi kandi vasiuvwi harara na vakali vaavo na vana vaavo mu luhangaywa lwizura zisimba. Lwa vaali ni vakikiri kotonya mu luhangaywa, zisimba ziavamamira kandi nizivunanyia vigumba viavo viosi.

Hosea 11:10

“Inzi Yahova, ndahuuma kuli isimba ku avasigu vaavo, kandi avana vange valirana nivadegera kutura Imadioli.

Hosea 13:8

Ndamwingilira kuli iduba imali kunuurwa vana vayo, kandi kuvatandula. Ndamwita kuli isimba yitaa inyama yu mu vulimu nu kugitandulanyia mu vindonye.

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Amosi 1:2

Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Amosi 3:4

Isimba inyala kuhuuma mu mulitu nitaloli inyama? Isimba esoleri inyala kuhuuma muluhangaywa lwayo nitagumiyi ikindu?

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Zekaria 11:3

Avamihi valira no vovereri; kigira vukumi vwavo vumali kudivizwa! Hulirizi ku lihuuma lie zisimba, kigira mulitu goveeye vomenyo vwazio mu Jorodani gumali kudivizwa!

Zekaria 3:1

Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.

Matayo 13:39

Musigu wamiiza mavanze ni Setani. Ligesa liveeye keheri chi lirova, na avagesi ni zingelosi.

Matayo 24:42

“Kigira yaga, lindi, kigira si mumanyi lidiku liu Mwami winyu aliiza mba.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 4:1

Kunangwa Roho yimilira Yeso kuzia mwigendanyama aduuki kogerizwa na Setani.

Matayo 4:11

Ma Setani yamuleka, kandi henza, zingelosi vaza nivamutumikira.

Marko 4:15

Avandu valala vaveeye kuli uvuguza vugwizaa kunzira; lwa vahuliraa, Setani yaazaa vwangu mavanyaga ilikuva limali kumiizwa muvo.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 22:31

“Simoni, Simoni! Hulira, Setani ateevi munwa ku Nyasaye agerizi munyi vosi kwavukanyia vandu valala kutura ku vandu vadamanu, mulimi asesaa ingano.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

2 Vakorintho 2:11

kunangwa Setani avuli konyoora uvwiyangu vwu kuguuta kunyi, kigira kwamanya lienya lilie kuli liveeye.

Vafeso 4:27

Mutahaana uvwiyangu ku Setani mba.

Vafeso 6:11

Mwiviki viuma viosi via Nyasaye amuhezaa, kunangwa muduuki kuhingira ku vudamanu vwa Setani.

Tito 1:8

Gamudukira ave mwingirizi wa vageni kandi uyanzaa gaveeye malahi. Gamudukira ave mwilindi wuvulungi, umutakatifu, kandi wi miima milahi.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 2:2

Wigizi avakulundu vave avadukanu, avokohevwa luyali, avilindi, avovogeri, vi lisuuvira, vu vuyanzi, kandi vu kwikuzira.

Tito 2:4

Kandi vaduuki kwigiza avakali avang'erere vayanze avasaza vaavo, kandi avana vaavo,

Tito 2:6

Wigizi avasoleri vang'erere vave avilindaa aveene.

Yakobo 4:7

Kunangwa, mwegehizi ku Nyasaye; Muhingiri Setani, naye alamwiruka.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

Likunula 12:12

Kunangwa musangare, munyi vilombe viosi vimenya mwigulu. O, vayaye, ikivi nu uvusaliri viveeye ku lirova nu kunyanza! Kigira, lidemoni umali kuuza ku munyi; aveeye nu uvutima vonene kigira umanyi aveeye ni ing'inga engekeeke vuzwa.”

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 20:2

Yagumira ogoyoka zana, ogoyoka gwa kale yigwo ogoveeye Lidemoni anoho Setani, naagovoha nu munyororo ku mihiga eletu ndala.

Vakalagi 14:5

Kunangwa Samusoni yasulunguta mu Timuna harara na baba weve na mama weve. Lwavaali nivavitira mu vizabibu uwene yeyo, Samusoni yahulira umwana wi simba nafuumaa.