1 Petro 5:5 - KITABU KITAKATIFU

⁵ Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

1 Petro 5:5 ပူးပေါင်းရင်းမြစ်များ

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

Ayubu 22:29

Nyasaye yikizaa hasi avigingiri, navuzwa alahonyia yavo avegehizaa.

Ayubu 29:14

Vutakatifu vwange vwangunika kuli inguvu, kandi uvulungi vwange vwali kuli iganza ni igudwa.

Zaburi 132:16

Ndagasiza avasaalisi valio mu viosi via vakora, kandi avandu valio valimba nukukuba isango kigira uvusangari.

Zaburi 132:9

Leka avasaalisi vovo vakole agaveeye malungi kazozo; leka avandu vovo vakubi isango kigira uvusangari!

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Tsing'ano 25:7

Voveeye vulahi koteevwa wikale kondeve yuvukumi kuvita kuteevwa uhaane vwiyangu vuvwo ku mundu wundi wikivuni.

Tsing'ano 3:34

Yahova achayaa vandu vaveeye ni lielola, navuzwa ayanziliraa yavo avegehizaa kuye.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Kyavalevi 19:32

“Mutie vasakulu kandi muhaane luyali kuvo. Mutie inzi, Inzi mbeeye Yahova winyu.

Luka 22:26

Navuzwa yaga sigaveeye ndio ku munyi mba. Nitali munene ku munyi gamudukira ave kuli mwana mukekeeke, na uyu mwimiliri gamudukira ave kuli mutumiki.

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Vafeso 5:21

Mwegehizirane aveene naveene mu liitia Kristo.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

Vahebraina 13:17

Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.

1 Petro 4:5

Navuzwa valakivaale ku Nyasaye aga vaakora. Nyasaye wetegeki kukalagira avaveeye mwoyo kandi avakuza.