1 Petro 5:3 - KITABU KITAKATIFU

³ Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.

1 Petro 5:3 ပူးပေါင်းရင်းမြစ်များ

Zaburi 33:12

Vaveeye nu vugasu avandu va Nyasaye wavo aveeye Yahova. Vaveeye nu vugasu avandu va yatovola kuva aveeve umwene.

Zaburi 74:2

Wizulizi avandu vovo va watovola kutura kale ava ivi watuliza mu vuhambe, kuva mwangu gugwo! Wizulizi kiguru cha Ziyoni aha wamenyaa.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Yohana 13:15

Kigira inzi mali kumuha kimanyiru, na munyi kandi mukore kuli mukoleeye.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

1 Vakorintho 11:11

Kandi ndio, mu livamwoyo lietu mu Mwami, mukali sianyala kwemenyia ku vwivwe mwene vuzwa vugira mundu musaza mba. Anoho umundu musaza sianyala kwemenyia yenyine vugira mukali mba.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Kwidzulitsa 32:9

Kidieli cha Yahova keveeye avandu veve visukululwi via Yakobo viveeye miandu jije.

Vafilipi 3:17

Avaamitu vange, muzizagiliri mu kokora kuli inzi ngolaa. Muhenze ligali ku yavo avalondaa liiva lirungi lia kwamuha.

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

1 Vatesalonike 1:7

Munyi mwamanya ni muva kelolero ku vandu avasuuviraa vosi mu Makedonia na Akaya.

2 Vatesalonike 3:9

Kwakora yaga sigali kigira sikoveeye nu vunyali konyoora ovokonyi vwinyu, navuzwa kigira kwenya kuva kelolero cha munyala kolonda.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.