1 Petro 5:2 - KITABU KITAKATIFU

² Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

1 Petro 5:2 ပူးပေါင်းရင်းမြစ်များ

2 Avami 12:6

Navuzwa kuduuka ku muhiga gwa sirini na tatu gwi liamiiha liu mwami Joashi, avasaalisi vaali ni vakikiri kolomba ahe Litembeli liali ni liasasuguka.

Lwimbu lwa Solomoni 1:8

Niiva si wamanya havundu, O, mukali mulahi ligali? Zia olonde munzira yi chayo cha magondi zia waye vimeme vie zimburi zizio ahimbi na mahema ga vayi.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 13:20

Avandu va jerusalemi, heenzi! Avasigu vinyu vazaa kutura Ivaale! Vaveeye hayi avandu vaviikwa kumulinda, avandu va mwigingiliraa ku?

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Ezekieli 34:31

“Munyi muveeye magondi gange, chayo cha nindaa ekeveeye avandu vange kandi mbeeye Nyasaye winyu,” Mwami Munene Yahova avoora.

Ezekieli 46:24

Umundu oyo yambolera, “Yaaha na havundu ho kodekera; uwavatumikiri vi Litembeli na vadekere ho visiuviliru via avandu vahaana.”

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Vikolwa 20:29

Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Varumi 1:15

Kulwayago mbeeye nuvuha vonene kwilwaza Ivangeri ku munyi avamenyaa mu Rumi

1 Vakorintho 9:7

Siaveeyeho musikari utumikaa vuzwa vugira mituungu mba. Mulimi gamudukira kulia amakuyu gi mizabibu ja vasimika. Mwayi gamudukira kunwa ku maveere gi mitugu jije.

Tito 1:11

Kuduuka amakuva gaavo gagaywi, vakiring'ane kigira vadiviza vandu avizinyumba vosi na amigizu gaavo ga vigiza ivindu vitaduukanaa kwigiza; kigira lienya vaavo litaveeye lisuuvirifu liu kwenyolera mabese.

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Tito 3:1

Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

Filemona 1:14

Navuzwa sinyenyaa kokora ikindu choosi vugira livugilira liilio mba. Sinyenyaa kukuniga ku ongonye mba, kigira uvulahi vuvwo kuduuka vutuli ku liyaanza liilio mwene navuzwa sigaveeye kigira linigwa mba.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.