1 Petro 5:12 - KITABU KITAKATIFU

¹² Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

1 Petro 5:12 ပူးပေါင်းရင်းမြစ်များ

Yohana 21:21

Kunangwa, lwa Petero yamulola yateeva Yeso, “Mwami, nu mundu uyu aveeye ndi?”

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 15:22

Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

1 Vakorintho 15:1

Kalunu avaamitu vange, nyenya kumwizuliza ndi Ivangeri ya ndamwilwazira, na munyi nimugivugula kandi niyo yilisuuvira lienyu nilisingira ku vudinyu.

2 Vakorintho 1:19

Yeso Kristo, Mwana wa Nyasaye, wilwaazwa na Sila, Timateo, harara ninzi, hagati hinyu siaveeye wa “Yee” anoho wa “Awa” mba; navuzwa gaali kazozo “Yee”;

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

Vafeso 3:3

Nyasaye yambulira lilohiza lilie liu mu vwivisu kandi nalikora limanyikane ku inzi. Mali kong'oda mu vwimbi amakuva yaga,

Vafeso 6:21

Tukiko, amiitu wiitu muyanze, kandi oveeye mutumikiri musuuvirifu mu miyinzi ju Mwami, alamuvolera vindu viosi kigira inzi, kunangwa munyi muduuki kumanya kuli nzizagilira.

Vakolosai 1:7

Mwiga zimbavasi zia Nyasaye kutura ku Epafura mutumwa wiitu, oveeye muyinziri musuuvirifu wa Kristo mu vwiyangu vwitu.

Vakolosai 4:7

Tukiko alamuvolera vindu viosi viveeye ku inzi, aveeye amiitu muyanze wange, mutumwa musuuvirifu, kandi mutumikiri wache mu Mwami.

Vakolosai 4:9

Yaazaa harara na Onesimasi, amiitu wiitu musuuvirifu nu muyanze, oveeye mulala ku munyi. Valamuvoolera vindu viosi iviekolekaa hano.

1 Vatesalonike 1:1

Inzi Paolo, harara na Sila na Timateo, kong'oderaa munyi avandu vi likanisa liveeye ha Tesalonike avaveeye ava Nyasaye Baba kandi avu Mwami wiitu Yeso Kristo: Zimbavasi ni mirembe vive ku munyi.

2 Vatesalonike 1:1

Inzi Paolo, Sila na Timateo, Kong'odera munyi avandu vi likanisa liveeye mu Tesalonike, avaveeye ava Nyasaye Baba wiitu, kandi Mwami wiitu Yeso Kristo:

Vahebraina 13:22

Ng'onyaa munyi avaamitu vange, muhulirizi nu vwikuziri ku likuva lie lizuvwa yili, kigira ibarwa ya mung'odeye yiyi sieveeye indambi mba.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 4:10

Vuli mundu, kuli umulindi mulahi wi vihaanwa via Nyasaye lugano lugano, kuduuka atumikiri ikihaanwa chiche ekenene yiki kulwo kugasiza avandi, ni kihanwa kilahi yiki chamali konyoora kutura ku Nyasaye.

2 Petro 1:12

Kunangwa ndamwizuliza vuli kazozo vindu yivi, kali niiva mwavimanya kandi vaduukiru mu giligali ga mwanyoola.

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

3 Yohana 1:12

Avandu vosi vizominyaa Demeturo; agiligali gene galolekizaa lizominywa lilie. Yee, kandi kunyi komeeda ku lilolekiza lietu, kandi mumanyi vulahi ndi gakovoola gaveeye giligali.

Yudasi 1:3

Avalina vange avayaanze, ndaali nu vuha ligali kumung'odera amakuva kigira vohonyi vwa kwosi kusangaa mu, lwa ndalora ndi gandukira mung'odere vwangu kumudinyiriza muzizagiliri kulwaanira lisuuvira lia Nyasaye amali kuhaana ku vandu veve.