1 Petro 4:8 - KITABU KITAKATIFU

⁸ Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

1 Petro 4:8 ပူးပေါင်းရင်းမြစ်များ

Tsing'ano 10:12

Lidunya liletaa vudinyu, navuzwa vuyanzi vukunika vudamanu vwosi.

Tsing'ano 12:16

Lwu mundu musiru anyoora vutima, avulomba vumanyikana vwangu. Vandu vovogeri sivalondelelaa makuva gu kuhuziriza mba.

Tsing'ano 17:9

Niiva olenya vandu vakuyaanze; uvasamihi uvudamanu vwa vakokolera wizulizi ndi vudamanu voletaa ovolegani hagati huvulina.

Tsing'ano 18:13

Uhulirizi kutanga, nukikiri kuhaana mativuli, na nutakoli ndio oveeye musiru kandi muzalirizi

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

Vakolosai 3:14

Kuvita vindu yivi viosi, muve nu uvuyanzi uvuhambanyia ivindu viosi harara vulahimu vulala vuduukiru.

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

Yakobo 5:12

Navuzwa kuvita viosi, avaamitu vange, mutatumikira liesuuha ku ligulu anoho ku lirova, anoho liesuuha ku kindu choosi lwa mulomba lilagana. Muvoore vuzwa, “Yee” niiva ikivuni chiinyu keveeye, yee, kandi “Awa” winyu ave vuzwa awa, Nyasaye avuli kumukalagira.

Yakobo 5:20

mwizurizi yaga ndi: mundu woosi ugirung'anyia mwoni kutura munzira yeeye mdamanu, alahonyia mwoyo gwu umwoni oyo kutura mu likuza, kandi alaleeta lisamiifa liu uvwoni vunyingi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

3 Yohana 1:2

Umulina muyanze, wange saalaa ndi vindu viosi viduuki kuva vilahi ku ivi, kandi ove nu uvulamu vulahi. Kuli manyi, goveeye mulamu mu roho.