1 Petro 4:7 - KITABU KITAKATIFU

⁷ Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 4:7 ပူးပေါင်းရင်းမြစ်များ

Litanga 19:35

Kunangwa vudiku vwene yivwo, vamuha iwaini ma nahambika ligali. Mukaana muke yaali harara naye, navuzwa yaali muhambiku ligali na si yamanyiriza cha yakola mba.

Litanga 6:13

Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

Kohelethu 7:2

Nivulahi kuzia munyumba ya vasioma kuvita kuzia munyumba yu kulia nu kusangara, kigira likuza nicho keheri cha vandu vosi. Avandu vaveeye mwoyo gavadukiraa kumanya yaga.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Ezekieli 7:6

Keheri kiduuki! Keheri kimali kuduuka ku munyi. Munyi mumali kudiva!

Matayo 24:42

“Kigira yaga, lindi, kigira si mumanyi lidiku liu Mwami winyu aliiza mba.

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 22:46

Yavateva, “Kigira ki mugonaa? Vuki musaale, ndi, muvuli kwingira mu ligerizwa mba.”

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

1 Vakorintho 15:24

Maku ekeheri kilakaduuki; Kristo alakadivizi mademoni gamiihaa mu vwerefu goosi, vuvunyali vosi, harara na vizingulu vosi, kandi alakahaane uvwami ku Nyasaye Baba.

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Vahebraina 10:25

Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.