1 Petro 4:5 - KITABU KITAKATIFU

⁵ Navuzwa valakivaale ku Nyasaye aga vaakora. Nyasaye wetegeki kukalagira avaveeye mwoyo kandi avakuza.

1 Petro 4:5 ပူးပေါင်းရင်းမြစ်များ

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Luka 16:2

Kunangwa mutugi yamulanga namuvolera, ‘Ni makuva ki gambuliraa ku ivi? Leeta livaliza liu vulindi vwi linyola nu vutumikiri vwi vindu viange; kigira siunyala kuva mulindi wange kandi mba.’

Vikolwa 10:42

Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Varumi 14:9

Kristo yakuza, nasimuguka kandi, aduuki kuva Mwami wa vaveeye mwoyo kandi wa vakuzu.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.