1 Petro 4:19 - KITABU KITAKATIFU

¹⁹ Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

1 Petro 4:19 ပူးပေါင်းရင်းမြစ်များ

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Zaburi 138:8

Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.

Zaburi 31:5

Inzi mbikaa livamwoyo liange mu makono googo O, Yahova; Ivi ulambonyia, ivi oveeye Nyasaye musuuvirifu.

Zaburi 37:5

Wenye uvulariri vwa Yahova, usuuviri muye, naye alakokoonya.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Danyeli 6:22

O, Mwami Nyasaye utumi engelosi yeeye kukunika minwa ji zisimba kunangwa zivuli kuusaliliza. Nyasaye okoli yaga kigira amanyi ndi inzi mbeeye vugira imbara kandi kigira si ndakokolera vudamanu vwosi mba.”

Luka 23:46

Yeso yalira nu mwoyo munene, navoora, “Baba, mbikaa mwoyo gwange mu makono googo.” Lwa yamala kovora yaga, yakuza.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 3:17

Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu.

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.