1 Petro 4:18 - KITABU KITAKATIFU

¹⁸ Mang'oda gavoora, “Niiva voveeye vudinyu ku vandu valahi kohonywa; galiva ki ku yavo avoni, avatamanyi Nyasaye?”

1 Petro 4:18 ပူးပေါင်းရင်းမြစ်များ

Litanga 13:13

uwa vandu valio vaali avachamu kandi vakora uvwoni ku Yahova.

Tsing'ano 11:31

Avandu vaveeye valungi vanyoola madanyi gaavo mukivala yiki; kunangwa ove nilisuvira ndi vandu vachamu na voni valahevwa mageri.

Jeremia 25:29

Ndatanga miyinzi jange ju kudiviza lidaala linene liange mwene. Vasuviraa valahononoka kuhevwa amageri? Awa, valahevwa amageri, kigira ndatuma vulwani ku avandu vosi avaveeye ku lirova. Inzi Yahova Wuvunyali mali kovora.

Ezekieli 18:24

“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Luka 15:1

Lidiku lilala lwa avasololi vuvusuuru avanyingi na avoni vazia kuhuliriza Yeso,

Luka 23:31

Ligali, niiva avandu vakora vindu yivi ku musaala muvisi, na galava ki ku musaala mwumu?”

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 27:24

Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’

Vikolwa 27:31

Paolo yavolera munene wa avasikari harara na avasikari veve, “Niiva vandu yava valavula kuva mumeri, simunyala kohona mba.”

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 5:6

Lwa kwaali nikukiri avadedekere, Kristo yakuzira kunyi avadamanu ing'inga ya Nyasaye yatovola.

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Yakobo 5:6

Mumali kukalagira kandi kwita avandu avataveeye nimbara navo sivahingiraa munyi mba.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”

1 Samweli 15:18

Vakutuma kandi namalago kudiviza vandu vadamanu yavo va Avamaleki. Yakovolera ulwaane kuduuka lwa umala kwiita vosi.