1 Petro 4:14 - KITABU KITAKATIFU

¹⁴ Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

1 Petro 4:14 ပူးပေါင်းရင်းမြစ်များ

1 Avami 10:8

Maku ingavi ki ya vakali vovo vaveeye nayo. Kandi vatumikiri vovo vaveeye nayo vaveezaa nayo imbiri woovo kazozo, kuhulira livoora liovogeri liilio!

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Zaburi 49:9

kumukola avuli kukuza, na amenye mihiga ni mihiga.

Zaburi 89:51

O, Yahova, avasigu vovo vanyega mwami woovo mutovole! Vamunyega nu kumusekeriza havundu hoosi aha azizaa.

Isaya 11:2

Roho wa Yahova alava harara naye. Roho wovogeri ni limanyiriza; Roho wukwidera kandi wizingulu, Roho wilimanyiliza kandi wukutia Yahova.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Yohana 15:21

Navuzwa yaga goosi valamukolera kigira ku lieta liange, kigira sivamanyi oyo uwanduma mba.

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Yohana 9:28

Vaamunyega nivavoora, “Ivi oveeye mwigi weve; navuzwa kunyi koveeye aviigi va Musa.

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Vikolwa 18:6

Lwa vahing'ana naye nivatanga kumunyega, yavungula luguchi kutura kuzinguvu zizie imbiri wavo navavoolera, “Masahi ginyu gave ku munyi aveene. Inzi mbula imbara mu makuva yaga. Na kutura kalunu nziza ku avandu vi Zihiiri zindi.”

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 4:10

Vuli ing'inga kugingaa likuza lia Kristo mu miviri jietu, kunangwa livamwoyo lia Yeso liduuki kololeka mu miviri jietu.

2 Vakorintho 4:16

Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

Vagalatia 1:24

Maku vaakuminya Nyasaye kigira inzi.

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 4:16

Navuzwa, niiva ulasalirizwa kigira oveeye Mukristayo, utava soni mba, nitali wizominyi Nyasaye kigira waginga ilieta lia Kristo.

2 Petro 2:2

Kali ndio, avanyingi valalonda likora liavo lie kifavwi; na kigira vikolwa viavo, avandi valamoloma vudamanu ku miigizu gu Mwami Yeso ga giligali.