1 Petro 4:11 - KITABU KITAKATIFU

¹¹ Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Petro 4:11 ပူးပေါင်းရင်းမြစ်များ

Zaburi 145:13

Liamiiha liilio lihindira mihiga ni mihiga, kandi ivi oveeye mwami mihiga ni mihiga. Yahova aveeye musuuvirifu ku lisuuviriza lilie, kandi aveeye wi livererera mu vikolwa vivie viosi.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 23:22

Niiva vakamanyi zing'anagani ziange ziumuvwivisu, ngano vakalandizi likuva liange ku avandu vange kandi ngano vakavakoli koleka limenya lidamanu liavamenyaa kandi ni vindu viuvuchamu viavakola.

Danyeli 4:3

“Gaveeye go kogenyia Nyasaye kukumanyia! Vilolekizu! Vilolekizu viakolaa viveeye vie zinguru ligali! Nyasaye aveeye mwami mihiga ni mihiga; alakamiihi zing'inga ziosi.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Yohana 13:31

Lwa Yuda yaali niyakatula ichova, Yeso yavoola, “Kalunu uvukumi vwu Mwana wa Adamu vuvuuliki, kandi Nyasaye akuminyiywi muye.

Vikolwa 7:38

Musa uyu niyie uwaali mu livugana lia avandu va Isiraeli mu changalangwe harara nengelosi uwavolerana naye mu Kiguru cha Sinai. Kandi yaali hala na avaguuga viitu. Niyie wahevwa amakuva ga Nyasaye gi livamwoyo ahe kunyi.

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 16:27

Vukumi vove ku Nyasaye oveeye no vogeri yenyine, kuvitira mu Yeso Kristo, mihiga ni mihiga! Amini.

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

1 Vakorintho 12:4

Haveeye ho ni vihaanwa via Roho zing'ano zinyingi, navuzwa Roho uvihaanaa aveeye mulala.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 9:13

Kigira mativuli gu vutumiki vwinyu yivu, avanyingi valakuminya Nyasaye kigira lihulira lienyu liu kwiyama Ivangeri ya Kristo kandi kigira uvuhaani vwinyu kuvo nu ku vandu vandi vosi.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Tito 2:1

Navuzwa gakuduukiraa wigizi vindu viduukana na amigizu malahi.

Tito 2:15

Wigizi vindu yivi; utumikiri vunyali vuvwo vwosi lwa wigiza kandi lwa uvadinyirizaa. Utaleka mundu kali mulala akolege anoho kukuchaya.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Vahebraina 5:12

Ing'inga yaveeye ho indambi ya gaduukanaa munyi muve avigizi, navuzwa munyi mukiri ni lienya mundu amwigizi amigizu gu kutanga agiligali ga makuva ga Nyasaye. Mugwiyi avenyaa kunwa maveere mu vogono vwu kulia viukulia vidinyu.

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 4:10

Vuli mundu, kuli umulindi mulahi wi vihaanwa via Nyasaye lugano lugano, kuduuka atumikiri ikihaanwa chiche ekenene yiki kulwo kugasiza avandi, ni kihanwa kilahi yiki chamali konyoora kutura ku Nyasaye.

1 Petro 4:16

Navuzwa, niiva ulasalirizwa kigira oveeye Mukristayo, utava soni mba, nitali wizominyi Nyasaye kigira waginga ilieta lia Kristo.

1 Petro 5:11

Zive kuye mihiga ni mihiga! Amini.

Yudasi 1:25

uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.