1 Petro 4:10 - KITABU KITAKATIFU

¹⁰ Vuli mundu, kuli umulindi mulahi wi vihaanwa via Nyasaye lugano lugano, kuduuka atumikiri ikihaanwa chiche ekenene yiki kulwo kugasiza avandi, ni kihanwa kilahi yiki chamali konyoora kutura ku Nyasaye.

1 Petro 4:10 ပူးပေါင်းရင်းမြစ်များ

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Matayo 24:21

Kigira ing'inga yene yeyo ikivi kenene kilakaveho likikiri kololeka ku kutura litanga lie lirova kuduuka lero. Silakaveho ing'inga yindi kandi mba.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Matayo 25:44

“Maku valakamutivuliri, ‘Mwami, ni ng'inga ki ya kwakolola noveeye ninzara, anoho nu vuluhu anoho noveeye umugeni, anoho chahonyo anoho noveeye umulwaye, anoho mu vuhambe ma nikuvula kuuza kokokonya?’

Marko 10:45

Kigira Mwana wa Adamu si yaza kutumikirwa, navuzwa kutumikira avandu nukuhaana ilivamwoyo lilie live umutungu gwa vandu avanyingi.”

Luka 12:42

Mwami yamutivulira, “Nivwaha oveeye mutumikiri musuuvirifu na wovogeri uwu mwami weve aviikaa ave munene ku avatumikiri vinyumba yeeye, avahe viukulia viavo mu ing'inga yenyeka?

Luka 19:13

Kunangwa, yalanga avatumikiri veve likomi, navaha zikilo likomi zie feza. Yavavolera, ‘Muviiki yizi ku miyinzi, kuduuka lwa nzirana.’

Luka 8:3

na Joana mukali wa Chuza, uwaali mulindi munene wuvutugi vwi inyumba yoosi ya Herodi, Susana kandi vandi avanyingi. Avakali yava vatumikira linyola liavo okokoonya Yeso harara na aviigi veve ku viukulia.

Varumi 15:25

Navuzwa ku lwa kalunu, nziza Jerusalemi kutumikira avatakatifu vaveeye yo.

Varumi 15:27

Aveene vamali kotovola kokora ndio; navuzwa kuduuka vavakonye. Avayuda vaasanga navo ivihaanwa viu mu Roho, kunangwa kuduuka vandu vizihiiri navo vatumikiri imiandu jaavo kokoonya Avayuda.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

2 Vakorintho 9:1

Si gadukanaa inzi ng'odere munyi kigira vokonyi vutumangwa ku vatakatifu vaveeye mu Vuyuda mba.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.