1 Petro 3:9 - KITABU KITAKATIFU

⁹ Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 3:9 ပူးပေါင်းရင်းမြစ်များ

Litanga 42:25

Josefu yalaga vuswage vwizulizwi mu misigo ja vamwavo veve, mabese ga vuli mundu gilanywe mu musigo, kandi vahevwe chukulia chokologendo. Yaga gaakolwa.

Tsing'ano 17:13

Nutungiza uvudamanu havogono hu vulahi vudamanu si vulatula munyumba yooyo mba.

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 28:10

Niiva ulimilira mundu mulungi kokora vudamanu, ulagwa mu mutego gugwo, navuzwa avandu vataveeye nimbala valanyora miandu milahi.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Luka 10:25

Ing'inga indala, mwigizi mulala wi Lilaga yasingira nageriza koteega Yeso navoora, “Mwigizi, gandukira ngole kinduki konyoora livamwoyo litahera mba?”

Luka 18:18

Mwimiliri mulala Muyuda yateeva Yeso, “Mwigizi Mulahi, gandukira ngole ki nduuki konyoora livamwoyo litahera mba?”

Varumi 12:14

Mugasize yavo vamudambiza; muvagasizi, kandi mutavalaama mba.

Varumi 12:17

Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Vahebraina 12:17

Lwinyima, kuli mumanyi yenya konyoora uvugasu zana kutura ku baba weve, navuzwa yasuulwa, kigira siyaali unyala konyoora vwiyangu vwu kwiganira nukugirung'anyia aga yakola mba, kali niiva yenya uvugasu yivwo namaliga.

Vahebraina 6:14

Yavoola, “Ngusuuvirizaa ligali ndi, ndakugasiza kandi ndakuha visukululwi vinyingi.”

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Samweli 26:11

Yahova angaye mburi kogeriza kusaliriza uyu mulala wa Yahova amali kokora umwami munene! Leka kuvuguli litimu lilie kandi kimuga chiche cha mazi, ma kuzie.”