1 Petro 3:8 - KITABU KITAKATIFU

⁸ Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 3:8 ပူးပေါင်းရင်းမြစ်များ

Zaburi 103:13

Yahova averereraa yavo avamutizaa, kuli baba averereraa avana veve.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Zekaria 7:9

“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache.

Matayo 18:33

Si vwali vulahi koveera mutumikiri wacho zimbavasi, kuli inzi ndaali kokovera zimbavasi?’

Luka 10:33

Navuzwa Musamaria mulala, lwa yaali mulogendo lwilwe, yaza ahu umundu oyo yaali. Lwa yamulola, ya muvererera.

Vikolwa 2:1

Lwa liaduuka lidiku lia Pendekote, vandu avasuuviraa vosi havundu harara.

Vikolwa 27:3

Mugamba gwalonda ku kwaduka Sidoni. Juliasi yaakolera Paolo vulahi. Yamuha munwa azie kolola avalina veve vaduuki kumuha via yenya.

Vikolwa 28:7

Ahimbi na hazana yaho haali ni milimi ja Pubulio, munene wi kisulu zana yicho. Yakwingiriza kuli avalina, nikuva avageni veve madiku gavaga.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 15:5

Nyasaye oveeye vutangiliru vwu vwikuziri nilizuvana, amuhe mwoyo gwu vuhambani mu livugilizana liduukiru hagati hinyu lwa muva nimulondaa Kristo Yeso.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

Vafilipi 3:16

Leki komenye vuzwa mu amalago malala meere aga kwa gumira kutura yilwo kuduuka lero.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 3:14

Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza.