1 Petro 3:7 - KITABU KITAKATIFU

⁷ Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.

1 Petro 3:7 ပူးပေါင်းရင်းမြစ်များ

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Matayo 18:19

Inzi muvooleraa, vaviri ku munyi nivavugilirzana mu lirova muno ku kindu choosi cha vasaala, Baba wange oveeye mwigulu alavakolera chazana.

1 Vakorintho 7:3

Kuduuka musaza akolere umukali weve mu liiva harara kuli gamudukira, kandi mukali akolere musaza weve ndio.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vakolosai 3:19

Munyi avasaza, muyanze avakali vinyu, mutava valulu kuvo mba.

1 Vatesalonike 4:4

Mundu sa mulala ku munyi gamudukira amanye kuli amenyaa nu mukali weve mwene munzira yu vutakatifu, kandi yuluyali,

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,