1 Petro 3:4 - KITABU KITAKATIFU

⁴ Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Petro 3:4 ပူးပေါင်းရင်းမြစ်များ

Zaburi 131:2

Mu vogono yivwo inzi mwene nzituliiyi kandi mbeeye mu mirembe. Kuli mwana agonaa makiriri ku magulu ga mama weve, nindio mwoyo gwange gwelemelizi mu inzi.

Zaburi 147:6

Yahova anenehiza avahocha, navuzwa aduvulanyiraa avadamanu hasi.

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Zaburi 25:9

Yimiliraa avahooma munzira eveeye inungi, kandi avigizaa uvulariri vwivwe.

Zaburi 45:13

Mukaana wu mwami aveeye munyumba yu vwami; magu kulia yaagasa ligondo! Inguvu yeeye yalombwa ku zimbusi zie izahabu indahi.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Jeremia 51:59

Yaga na makuva ga inzi Jeremia ndahaana ku Seraya mwana wa Neria, mwisukulu wa Mahiseya, lwa yazia Babiloni nu mwami Zedekia wi Ivuyuda mu muhiga gwa kane gwi liamiiha lilie.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Matayo 23:26

Ivi Mufarisayo muvoku! Wogize mugati mwe kekombe kutanga maku ichova nayo ilava inifu kandi.

Matayo 5:5

“Vaveeye nuvugasu avaveeye avahooma, kigira valanyora imiandu ji lirova.

Luka 11:40

Munyi avandu avasiru! Uyu uwalomba yigulu, si yalomba mugati kandi?

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Varumi 1:23

mu vogono vwu kusigamira Nyasaye uhindiraa mihiga ni mihiga, vasigamira nukukuminya vifananyi vialombwa vive mu liiva liu mundu ukuza anoho vifananyi via manyonyi, zinyama anoho zinzoka.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 7:22

Sangaliraa Lilaga lia Nyasaye mugati musi mwu mwoyo gwange.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 4:16

Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

Vagalatia 5:23

ovohocha, kandi ukwilinda. Sihaveeye ho ni lilaga lisuulanaa na makuva kuli yaga mba.

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

Vakolosai 3:3

Munyi mwamala kukuza na livamwoyo lienyu liaviswa na Kristo mu Nyasaye.

1 Vatesalonike 4:11

Muve ni lienya lio komenya mu liiva lio kwehozeriza vuli mundu akole makuva geege mwene, kuganagani uvutumiki vwinyu aveene, kandikakole miyinzi namakono geege mwene kuli wa kwamuvolera maziambiri.

2 Vatesalonike 3:12

Ku lieta liu Mwami Yeso Kristo, kulaga avandu yava kandi kuviganihiza vamenye liiva liveeye lilahi kandi vaduuki kuyinzira vudinyu kwenyolera viukulia viavo aveene.

Tito 3:2

Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”