1 Petro 3:16 - KITABU KITAKATIFU

¹⁶ navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 3:16 ပူးပေါင်းရင်းမြစ်များ

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Vikolwa 24:16

Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

Tito 2:8

Livoora liilio live lilahi vugira chokwikigitaliza, kunangwa umuhing'ani aduuki koleganywa havulavu, kigira siaveeye nichavoola ku kunyi kidamanu mba.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 2:19

Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Petro 4:4

Vaveeye ni ligenya kalunu kolola simuhambana navo mu limenya lidamanu kandi lie kivihiri mba, maku vatanga limunyega.