1 Petro 3:15 - KITABU KITAKATIFU

¹⁵ Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:15 ပူးပေါင်းရင်းမြစ်များ

Zaburi 119:46

Inzi ndalandiza amalago googo imbiri wa vami, Kandi si ndava ni zisoni mba.

Tsing'ano 15:28

Vandu valahi vaganaganyia nivakikiri kutivula kindu; Avandu vadamanu vahaana mativuli ga vwangu, navuzwa gavaviikaa muvudinyu.

Tsing'ano 22:21

kandi zilakwigiza agaveeye amalungi kandi gagiligali. Maku lwutumwa kwenyeleriza, ulaleeta mativuli malahi.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Isaya 8:12

“Utahambana mulilohiza liuvwivisu lia vandu mba, kandi utatia vindu viavatizaa mba.

Livalidza 20:12

Navuzwa Yahova yagondokera Musa na Haruni, navoora, “Kigira muvuli kuva ne lisuuvira kuvugilira zinguru ziange zindakatifu imbiri wa vandu va Isiraeli, simulavimilira kuzia mu kivala cha ndavalaga mba.”

Livalidza 27:14

kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini.

Vikolwa 21:39

Paolo yativura, “Inzi mbeeye Muyuda, mundu wa Tariso lidaala lia Kilikia, mundu wi lidaala liamanyikana ligali. Yaanza, ombe munwa molome ku vandu yava.”

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 3:2

kigira kuli miima jinyu milahi jiveeye.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Samweli 12:7

Kalunu singiri aha muveeye, na inzi ndamuyaala imbiri wa Yahova ku limwizuliza vindu vilungi viezingulu viosi via Yahova yakola kohonyia munyi na vaguuga vinyu.