1 Petro 3:14 - KITABU KITAKATIFU

¹⁴ Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 3:14 ပူးပေါင်းရင်းမြစ်များ

Tsing'ano 3:25

Si ulava ni lihenda mwoyo kigira ikivi kiiza vwangu mba, kuli kiihi kiiza ku vandu vachamu.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Jeremia 1:8

Utavatia mba kigira mbeeye harara na ive na ndakukinga. Inzi Yahova mali kovora!”

Jeremia 15:15

Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Ezekieli 3:9

Ndakokola ove utanyala kusundwa kuli lwanda, mudinyu kuli ligina liuvuguli; utatia vibaali yavo mba.”

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 10:31

Kulwayago mutatia mba; munyi muveeye vuvuguli kuvita amatondolizi amanyingi.

Matayo 10:39

Uyu ogerizaa konyoora uvukala vwi livamwoyo lilie vugira Kristo, alaligotiza; navuzwa uyu ogotizaa livamwoyo lilie kigira inzi, alalinyoola.

Matayo 16:25

Ku vosi umundu uwenyaa kohonyia livamwoyo lilie, alaligotiza. Navuzwa ku vosi mundu ogotiza livamwoyo lilie kigira inzi, alalinyoola.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Marko 10:29

Yeso yavoola, “Yee kandi muvooleraa agiligali ndi, ku vosi mundu oleka hango anoho avamwavo kinga vavoozo, anoho mama weve, anoho baba weve, anoho avana veve, anoho umulimi kigira inzi, kandi kigira Ivangeri,

Marko 8:35

Kigira umundu wenyaa kohonyia livamwoyo lilie umwene alaligotiza, navuzwa umundu ogotizaa livamwoyo lilie kigira inzi, kandi kigira Ivangeri, alalihonyia.

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Vikolwa 9:16

Inzi mwene ndamumanyia goosi agamuduukira kusalira kigira lieta liange.”

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Petro 3:6

Sara yaali ndio; yahulira Aburahamu naamulaga umwami weve. Munyi kalunu muveeye avakaana veve ni mukora vulahi nukuvula kutia kindu choosi.