1 Petro 3:1 - KITABU KITAKATIFU

¹ Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,

1 Petro 3:1 ပူးပေါင်းရင်းမြစ်များ

Litanga 3:16

Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Tsing'ano 18:19

Okonye amwavo woovo naye alakukinga kuli lidigi liezingulu lie lidaala, navuzwa nolembana naye alakuhanira muliango gwigwe.

Matayo 18:15

“Amwavo woovo nakwonera, zia kuye umumanyie uvwoni vwivwe. Navuzwa gakoleke vuzwa mu vwivisu hagati hinyu. Niiva mulahuliriza umali kwilanyia amwavo woovo.

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Varumi 7:2

Mukali waletwa yavofwa ni Lilaga ku musaza weve ing'inga yoosi yu musaza oyo aveeye mwoyo. Navuzwa musaza weve naava nakuza, mukali oyo aveeye muvoholore kutura ku Lilaga liamuvohaa ku musaza weve.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

1 Vakorintho 14:34

avakali vaduukana vakiring'ane mu makanisa. Sivaduukani komoloma; kuli gang'odwa mu Lilaga lia Musa, gaduukanaa vegeehizi.

1 Vakorintho 7:16

Ivi mukali Mukristayo unyala kumanya ndi ulakahonyie musaza woovo? Anoho ivi musaza Mukristayo, unyala kumanya ndi ulakahonyie mukali woovo?

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Vakolosai 3:18

Munyi avakali, mwegehizi ku vasaza vinyu, kigira yaga nigo gamudukira mukore kuli Vakrisitayo mu Mwami.

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 3:2

kigira kuli miima jinyu milahi jiveeye.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?