1 Petro 2:7 - KITABU KITAKATIFU

⁷ Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

1 Petro 2:7 ပူးပေါင်းရင်းမြစ်များ

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Matayo 21:42

Yeso yavateva, “Si mwasoma likuva yili mu Mang'oda Matakatifu? ‘Ligina liavumbaki vasuura limali kokolwa ligina linene liu mukoona. Mwami niyie wakola yaga; na gaveeye gokogenyia mu zimoni zietu!’

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 20:17

Yeso yavuumika ma navateeva, “Amang'oda yaga gang'odwa ku kivuni ki? ‘Ligina liavumbaki vasuura kalunu likoleywe kuva ligina linene ligali liu musingi.’

Yohana 4:42

Vavoolera mukali oyo, “Kunyi sikusuuviraa vuzwa kigira amakuva googo, navuzwa kunyi aveene kumali kumuhulira kandi kumanyi ligali uyu niyie Muhonyi wi lirova.”

Vikolwa 26:19

“Ku lwa yago, O, Mwami Aguripa, sindahangaliza amalola gu mwigulu yago mba.

Varumi 10:21

Navuzwa ku Isiraeli avoora, “Umbasu gwosi ndegomba kuhambana na vandu vavura kuhulira kandi avibaali.”

Varumi 15:31

Musaale ndi inzi nduuki kukingwa kutura ku yava avatasuuvira, avaveeye mu Vuyuda, kandi uvutumiki vwange mu Jerusalemi vuduuki kuvugilirwa na vatakatifu vaveeye yo.

2 Vakorintho 2:16

Yavo avaagota, umwayu yigwo goveeye uvugundu vwitaa. Navuzwa ku yavo vahonywa, goveeye umwayu goletaa livamwoyo. Nivwaha udukana ni miyinzi yiji?

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Vahebraina 11:31

Kigira lisuuvira Rahabu mukali wa malaya siyiitwa harara nayavo avavura kuhulira, kigira yingiriza avaluuti nimirembe.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Petro 2:4

Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.