1 Petro 2:4 - KITABU KITAKATIFU

⁴ Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli.

1 Petro 2:4 ပူးပေါင်းရင်းမြစ်များ

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Danyeli 2:34

Lwa waali nohenza kifananyi yiki, ligina linene liadika kutura ku lwanda vugira mundu kulidiira; liaduya vilenge vie kivia kandi zinduvatiru zie kifananyi yiki, kandi liavisionoranyia ligali.

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Zekaria 3:9

Mbikaa imbiri wa Joshua ligina lilala liveeye ni zimoni 7. Ndang'ola kwigulu kwalio amang'oda, kandi mulidiku lilala ndakatulizi ho vwoni vwikivala yiki.

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Matayo 12:18

“Henza uyu aveeye mutumikiri wange wa ndaatovora; muyanze wange, wu mwoyo gwange guyaanzaa. Inzi ndakatumi Roho wange kuye, naye alakalandizi likalaga liange liuvulungi ku zihiiri ziosi.

Matayo 21:42

Yeso yavateva, “Si mwasoma likuva yili mu Mang'oda Matakatifu? ‘Ligina liavumbaki vasuura limali kokolwa ligina linene liu mukoona. Mwami niyie wakola yaga; na gaveeye gokogenyia mu zimoni zietu!’

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Yohana 5:40

Kali ndio, munyi simwenya kuuza ku inze muduuki konyoora livamwoyo mba.

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 6:57

Baba oveeye mwoyo yanduma, kandi kigira ye; inzi mbeeye mwoyo. Munzira ndala nzere ku vosi ulia inzi amenyaa kigira inzi.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

1 Vakorintho 3:11

Siaveeye ho nu mundu unyala kolomba musingi gundi kuvita yigu, ugwamala kolombwa na Nyasaye, nagwo ni Yeso Kristo.

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 2:7

Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.