1 Petro 2:23 - KITABU KITAKATIFU

²³ Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.

1 Petro 2:23 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 31:5

Inzi mbikaa livamwoyo liange mu makono googo O, Yahova; Ivi ulambonyia, ivi oveeye Nyasaye musuuvirifu.

Zaburi 37:5

Wenye uvulariri vwa Yahova, usuuviri muye, naye alakokoonya.

Zaburi 7:11

Nyasaye aveeye mukalagi mulungi, na akalagira avachamu kazozo.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Isaya 53:7

“Yaadambizwa, nukukubizwa ikivi navuzwa yikuzira mu liegehiza, siyaavoola likuva kali lilala mba. Kuli ligondi lihilangwa mukisinziru, kuli ligondi likiring'anaa lwa likalangwa uvwoya, siyaavoola likuva kali lilala mba.

Luka 23:41

Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:46

Yeso yalira nu mwoyo munene, navoora, “Baba, mbikaa mwoyo gwange mu makono googo.” Lwa yamala kovora yaga, yakuza.

Luka 23:9

Kunangwa yateeva Yeso mateeva manyingi ligali navuzwa Yeso siyamutivulira kindu mba.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Vikolwa 4:29

Navuzwa kalunu, Mwami, henza ku litihiza liavo lia vamali kokora, ukuvugiliri kunyi avatumikiri vovo kwilwaze likuva liilio nu vuluviliri vwosi.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Vikolwa 9:1

Ing'inga yeyo Saolo yameda litihiza liile linene liu kwita avalondi vu Mwami. Yazia ku Musaalisi Munene,

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Vafeso 6:9

Munyi avami, muvakolere avatugwa vinyu vindu zana yivi kandi, munzira ndala nzere vugira kutumikira litihiza. Mwizurizi kumanya ndi munyi harara na avatugwa vinyu muveeye nu Mwami mulala mwigulu, ukalagiraa mundu sa mulala keleng'ani vugira liyanzilira liosi.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

Vahebraina 12:3

Muganagane ligali ku ga Yeso yavitira mu; kuli yikuzira ku lihing'ana linene kutura ku vandu voni. Kulwayago mutaluha kandi mutakuzi mioyo jinyu mba.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

1 Petro 4:19

Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.