Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Petro 2:21 - KITABU KITAKATIFU

21 Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie.

အခန်းကိုကြည့်ပါ။ ကော်ပီ




1 Petro 2:21
30 ပူးပေါင်းရင်းမြစ်များ  

Uvulungi vulimila imbiri wa Yahova, nukumwetegekizira inzira yalonda ku.


Mundu utavugula umusalaba gwigwe ma alonde mu zinduvatiru ziange, siaduukanaa kuva umulondi wange mba.


Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.


Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.


Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”


Kigira inzi mali kumuha kimanyiru, na munyi kandi mukore kuli mukoleeye.


Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”


Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”


Yavivaalira Amang'oda Amatakatifu kandi na avamanyia ndi gaduukiraa Mesia asalirizwi nu kusimuguka kutura mu vakuzu. Yavavolera kandi, “Yeso uyu wa inzi nzilwazira munyi niyie Mesia.”


Inzi mwene ndamumanyia goosi agamuduukira kusalira kigira lieta liange.”


Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.


Muve aviigi ku inzi, kuli inzi mbeeye umwigi kutura ku Kristo.


Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.


Muve ni liiva lilala liere ilia Kristo Yeso yaali nalio:


Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.


Munyi mumanya lugano lwa malago ga kwamuha ku vunyali vwu Mwami Yeso.


Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.


Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.


Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.


Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,


Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.


Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.


Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.


Oyo ovola amenyi mu Nyasaye gamudukira amenye kuli Kristo yamenya.


Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.


Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ