1 Petro 2:20 - KITABU KITAKATIFU

²⁰ Mulava ni lizominywa ki niiva mulikuzira ilikuywa lidukanaa munyore kigira likora vudamanu? Navuzwa niiva mulikuzira mu vusaliri, kali nimumalikokola vulungi, Nyasaye alamugasiza.

1 Petro 2:20 ပူးပေါင်းရင်းမြစ်များ

Matayo 26:67

Maku, vamutuzira amate mumoni ni vamukubaga; na yavo avaamusamula

Matayo 5:47

Kandi niiva muchelizaa avamwavo vinyu venyine, ku muvitiraa ki avandu vandi? Kali avandu vi zihiiri, avatamanyi Nyasaye, vakora ndio!

Marko 14:65

Valala kuvo vataanga kumutuuzira amate. Vamufuma mu zimoni nu kumuduya nivamuvoolera, “Porofeta, nivwaha ukuduyi!” Avasikari vaamuvugura nivamukuya.

Luka 6:32

“Niiva muyanzaa avayaanzaa munyi venyine, mulanyola madanyi ki? Kigira kali avoni vayaanza yavo avavayaanzaa.

1 Vakorintho 4:11

Ku ing'inga yene yiyi, kunyi koveeye ninzara kandi nu vuluhu; kwiviikaa amadali vuzwa. Kukuywa zinzasaya, kandi sikoveeye na hango hokomenya mba.

Vagalatia 4:18

Mu agiligali voveeye vulahi madiku goosi kuva nu vugulu niiva kivuni chavwo keveeye kilahi. Yaga gaveeye agiligali kazozo kandi sigaveeye lwa inzi mbeeye ni munyi lweng'ine mba.

Vafeso 5:10

Mugerizi kwiga agayaanziza Mwami.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

1 Petro 2:19

Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 3:17

Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu.