1 Petro 2:2 - KITABU KITAKATIFU

² Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

1 Petro 2:2 ပူးပေါင်းရင်းမြစ်များ

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Hosea 14:7

Valirana ku Inzi kandi valamenya mu likingwa liange. Valaviruka nokomedeka kuli uvuswage, kandi valama makuyu kuli muzabibu. Valava ni lifunya liu mwayu mulahi ligali kuli Iwaini ya Lebanoni.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 19:14

Yeso yavoola, “Leki avana vakekeeke vaze ku inzi. Mutavigalira mba, kigira Uvwami vwu mwigulu voveeye vwa avandu kuli yava.”

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Luka 18:17

Muvooleraa agiligali, mundu ku vosi utavugilira uvwami vwa Nyasaye kuli avana vakekeeke, sialingira mu Vwami yivwo kali hakuzu mba.”

Varumi 6:4

Ku libatizwa lietu, kwayavilwa harara naye kandi nikusanga mu likuza lilie, kuli Kristo yasimugukizwa kutura mu vakuzu mu vukumi vwi zinguru zia Baba, kunyi kandi kuduuki komenya mu livamwoyo lihia.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Vafeso 2:21

Niyie uhambanyia harara kandi agenenehizaa kuva Litembeli litakatifu iliaviikwa halovega kuva liu Mwami.

Vafeso 4:15

Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.