1 Petro 2:15 - KITABU KITAKATIFU

¹⁵ Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 2:15 ပူးပေါင်းရင်းမြစ်များ

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 5:16

Ahaanaa lisuuvirizwa ku avadaka kandi achiring'anyia avachamu.

Zaburi 107:42

Avalungi vasangala lwa valora yaga, navuzwa avachamu vosi vachiring'anywaa machiriri.

Zaburi 5:5

Avigingiri si valasingira imbiri woovo mba, udunyiraa vandu vosi avachamu.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Matayo 25:2

Vatano kuvo vaali avasiru, na vatano vandi vaali avageri.

Matayo 7:26

“Navuzwa mundu ku vosi uhuliraa amakuva gange, kandi navula kugakola, aveeye kuli mundu musiru, uwumbakaa inyumba yeeye ku muyeke.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

1 Vatesalonike 4:3

Yivu nu vulaliri vwa Nyasaye, munyi muduuki kutakaswa; mwerehe kutura ko voheyi.

1 Vatesalonike 5:18

Musandizi Nyasaye ku vindu viosi kigira yivu voveeye uvulariri vwa Nyasaye ku munyi mu Kristo Yeso.

Tito 2:8

Livoora liilio live lilahi vugira chokwikigitaliza, kunangwa umuhing'ani aduuki koleganywa havulavu, kigira siaveeye nichavoola ku kunyi kidamanu mba.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 3:17

Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.