1 Petro 2:12 - KITABU KITAKATIFU

¹² Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 2:12 ပူးပေါင်းရင်းမြစ်များ

Zaburi 37:14

Avandu vadamanu vatuliza vivavi viavo, kandi vuta vwavo kulasa nu kwita avandu vadaka na avadambi, kandi kusinza avandu vaveeye avalungi,

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Yohana 13:31

Lwa Yuda yaali niyakatula ichova, Yeso yavoola, “Kalunu uvukumi vwu Mwana wa Adamu vuvuuliki, kandi Nyasaye akuminyiywi muye.

Vikolwa 15:14

Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve.

Vikolwa 24:13

Sivanyala kololekiza imbiri woovo ndi amayaalo gavanzaalira ku ivi gaveeye agiligali mba.

Vikolwa 25:7

Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Varumi 12:17

Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 15:9

Avandu vizihiiri navo vaduuki kukuminya Nyasaye ku zimbavasi zizie, kuli Mang'oda Matakatifu gavoora, “ Ndakwizominya hagati ha vandu vizihiiri. Kandi ndakwimbira zinyimbu ziu kukwizominya.”

1 Vakorintho 14:25

Agaviswa gu mu mwoyo mwimwe galaloleka havulavu, naye alasigama nu kusaala Nyasaye nokovoora, “Agiligali Nyasaye aveeye hagati hinyu!”

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 13:7

Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi.

2 Vakorintho 8:21

Kivuni chi lienya lietu keveeye kokora agaveeye malungi; sigaveeye vuzwa imbiri wu Mwami yenyine mba, navuzwa imbiri wa vandu kandi.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

1 Vatesalonike 4:12

Munzira yiyi mulanyola lizominywa kutura ku vandu avasuuviraa kandi muvuli kuva ni lienya kindu kutura ku mundu woosi.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

Ruth 3:14

Kunangwa Ruzi yagona havirenge via Boazi kuduuka mugamba. Navuzwa yavuka mugambazuri vulavu ni vukikiri kuvaho vwu mundu atamanyira wundi mba, kigira Boazi siyenya mundu woosi amanye ndi, mukali uyu yaali koloze mba.