1 Petro 2:11 - KITABU KITAKATIFU

¹¹ Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

1 Petro 2:11 ပူးပေါင်းရင်းမြစ်များ

Litanga 21:34

Maku Aburahamu yamenya madiku manyingi kuli mugeni mu kivala cha vandu va Filisitia.

Litanga 23:4

“Inzi mbeeye vuzwa mugeni omenyi hano hagati hinyu. Muyanze munguliziri kedonye chu mulimi kunangwa nduuki kuyaviramu muviri gwu mukali wange.”

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

1 Kyetsinyinga 29:15

Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

Zaburi 119:19

Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 119:54

Mu limenya liange liimbi mu lirova, nombaa zinyimbu kolondekana na malago googo.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Kyavalevi 15:18

Inyima wumusaza kuva harara numukali, kuduuka vombi visingi na mazi, na valava vadamanu kuduuka hamugorova.

Kyavalevi 25:23

Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 7:23

Navuzwa ndolaa Lilaga lindi liu lugano ni liyinzira mu vivero viu muviri gwange Lilaga ililwanaa ni Lilaga lio vogeri vwange vuvugiliraa. Liene yili lingolaa kugwa muhambe ku Lilaga liu vwoni, vomenyaa mu muviri gwange.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 2:19

Kunangwa, munyi vandu vizihiiri simuveeye avageni anoho avandu avichova, kandi mba. Munyi muveeye vandu vihiiri ndala harara na avandu va Nyasaye kandi avinyumba ya Nyasaye.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 6:9

Navuzwa kali nikomolomaa kuli ndi avaamitu vayaanze viitu, koveeye ni lisuuvirizwa linene ku liiva lienyu. Kumanyi vulahi ndi mumali konyoora uvugasu vulahi voveeye vwo vohonyi vwinyu.

Yakobo 4:1

Uvulwani ni lirembana vituraa haliha hagati hinyu? Siliveeye likayirwa lienyu lidamanu liletaa uvulwani mu vivero vie miviri jinyu?

1 Petro 1:1

Inzi Petero, mutumwa wa Yeso Kristo; ng'oderaa munyi avatovole va Nyasaye, avaasalana, avamenyaa muvivala vio vogeni via Ponto, Galatia, Kapadokia, Asia, numu Bizinia.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

2 Petro 3:1

Avalina vange avayaanze, yiyi ni ibarwa yange ya kaviri, mung'oderaa. Mu ziombi ngerizaa kuvukiza iziganagani zindahi mu mioyo jinyu ku limwizuliza amakuva yaga.