1 Petro 2:10 - KITABU KITAKATIFU

¹⁰ Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

1 Petro 2:10 ပူးပေါင်းရင်းမြစ်များ

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Varumi 10:19

Ndeva kandi: Avandu va Isiraeli vaali ni vakikiri kumanya? Musa mwene aveeye wu kutanga kutivula, “Ndakamukole mukendekere avandu vataveeye ihiiri yiligali; kandi ndatumikira ihiiri ya vandu vasiru kumukola muve nuvutima.”

Varumi 11:30

Kulwa munyi vandu vizihiiri, mwavura kutia Nyasaye maziambiri, navuzwa kalunu mumali konyoora zimbavasi zia Nyasaye kigira Avayuda sivaatia Nyasaye mba.

1 Vakorintho 7:25

Kolondekana na mateeva ginyu ku vandu vakikiri koleetana, kandi vakunzakali, simbeeye ni lilago kutura ku Mwami Yeso Kristo mba. Navuzwa mbana lilola lie zing'anagani ziange kuli mulala oheveywi zimbavasi ziu Mwami, kandi udukana asuuvirwi.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.