1 Petro 2:1 - KITABU KITAKATIFU

¹ Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Petro 2:1 ပူးပေါင်းရင်းမြစ်များ

Ayubu 36:13

“Yavo avataveeye na Nyasaye mu mioyo jaavo, vazizagiliraa kuva nu vutima; Kandi kali lwa vahevangwa mageri, sivaniraa ovokonyi mba.

Zaburi 32:2

Aveeye nu vugasu mundu wa Yahova avulaa kuvaliza uvuchamu kuye, kandi utaveeye nu vugadi mu mwoyo gwigwe.

Zaburi 34:13

Gamuduukira yigaye ku vudamanu zing'ano ziosi, kandi munwa gwigwe gutavoola uvugadi mba.

Zaburi 37:1

Utahenda mwoyo kigira yavo avakolaa uvudamanu mba; anoho utakendekera yavo avakolaa uvudamanu mba.

Zaburi 73:3

lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Tsing'ano 14:30

Lilemeriza likora muviri kuva nu vulamu, navuzwa likendeka likora vigumba kuguunda.

Tsing'ano 24:1

Utakayirwa vandu vadamanu mba, kandi utageriza kuhambana navo mba.

Tsing'ano 24:19

Utahenda mwoyo kigira vandu vadamanu mba, kandi utakayirwa vandu vachamu mba.

Tsing'ano 3:31

Utava ne mbodoka na vandu vikirage anoho kokora kuli yavo mba.

Isaya 2:20

Lwa lidiku yilio liliduuka, valakasiuvi vifananyi vie izahabu ni ifeza via velombera aveene kuvisigamira, valakavilekele zimbuku na manyinya.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Matayo 15:7

Avagaadi munyi! Isaya yaporofeta vulahi ku munyi lwa yavoola:

Matayo 23:28

Kandi ndio, munyi muloleka kuva avalungi ichova ku vandu, navuzwa mugati mwizuyi uvugadi nu uvwoni.

Matayo 24:51

Alakamuhe amageri kandi alakamusiuvi ichova ma amuviiki mu kidieli kilala harara na vagadi. Halava ni lilira kandi lidiedieyiza amiinu.

Matayo 7:5

Mugadi ivi! Tuliza kutanga luku loveeye mumoni mumwo mwene; kunangwa olole vulahi kuli utuliza lusasu loveeye mumoni ya amwavo woovo.

Marko 12:15

Navuzwa Yeso yamanya uvugadi vwavo, navavoolera, “Kigira ki mungerizaa? Ndeteri isiringi mbenze ku.”

Luka 11:44

O, vayaye, kilaamo keveeye ku munyi! Kigira muveeye kuli vilindwa viaviswa via avandu vagenda ku vugira kumanya.”

Luka 12:1

Lwi kiduma kenene cha avandu chavunga harara nivaduvagana, Yeso yavolera aviigi veve kutanga, “Mugerihi ku mamera ga Avafarisayo, agaveeye uvugadi.

Luka 6:42

Anoho, unyala kovoolera ndi amwavo woovo, ‘Amwavo wange, leeta ngutulizi lusasu loveeye mu emoni yooyo,’ lwa ivi mwene utalola uluku loveeye mu emoni yooyo? Mugadi ivi, tuliza kutanga luku loveeye mu emoni yooyo; kunangwa olole vulahi kuli utuliza lusasu loveeye mu emoni ya amwavo woovo. Mugadi ivi, tuliza kutanga musaala goveeye mu emoni yooyo; kunangwa olole vulahi kuli utuliza liindu liveeye mu emoni ya amwavo woovo.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 5:8

Kunangwa gendi kolombe lisavo lie Lipasaka. Sigali nu mugadi goveeye na mamera makuulu, amamera gu vwoni kandi gu vuchamu, navuzwa nu mugadi gutaveeye mu na mamera. Mugadi gwu vusuuvirifu kandi gwiligali.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

1 Vatesalonike 2:3

Ligoonya lietu ku munyi si litulaa ku matava, anoho ku zing'anagani zindamanu, anoho sikugerizaa kugaada mundu vosi mba.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Petro 2:16

Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Petro 3:10

Mang'oda Matakatifu gavoora, “Uyu uyanzaa livamwoyo lilie, kandi kolola amadiku amalahi gamudukira yigaye ku limoloma uvudamanu, kandi aleke kovora ovovehi.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

1 Petro 4:4

Vaveeye ni ligenya kalunu kolola simuhambana navo mu limenya lidamanu kandi lie kivihiri mba, maku vatanga limunyega.

Likunula 14:5

Sivanyooleka kuva avavehi mba, kigira sivaveeye nimbara anoho kindu kidamanu kuvo mba.