1 Petro 1:8 - KITABU KITAKATIFU

⁸ Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Petro 1:8 ပူးပေါင်းရင်းမြစ်များ

Lwimbu lwa Solomoni 1:7

Muyanze wange, mbolera, ivi ulazia kwaya haliha chayo cha magondi googo? Galazia kososa haliha ing'inga yu mbasu mululu? Kigira ki inzi ngohenze hagati hi chayo cha magondi ga vayi vandi?

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Lwimbu lwa Solomoni 5:9

Ivi oveeye mukali mulahi kuvita vosi, muyanze woovo aveeye lugano kutura ku vandi vosi? Aveeye naki kiveeye cho kogenyia kidukanaa kunyi kokohe lisuuviriza lietu?

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Yohana 14:15

“Ni muva ni munyanza, mulagumira amalago gange.

Yohana 14:21

“Uyu uvugilira amalago gange nukugagumira, uyu niyie uyanzaa, na uyu unyaanzaa Baba wange alamuyaanza nainzi kandi ndamuyaanza kandi ndivuura inzi mwene kuye.”

Yohana 14:24

Ku vosi utanyaanzaa siagumira amigizu gange mba. Na amigizu ga mumali kuhulira sigaveeye agange mba, navuzwa gaveeye aga Baba wanduma.

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Yohana 20:29

Yeso yamuvolera, “Usuuviyi kigira ondoli? Vaveeye nuvugasu yavo avasuuviyi nivakikiri kondola.”

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

Vikolwa 16:34

Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

2 Vakorintho 12:4

Uwene yeyo kandi, yahulira vindu viagaviswa ligali vitanyalika kovoolwa, kandi vindu viu mundu anyala kuvula kovora.

2 Vakorintho 4:18

Kunangwa kunyi sikogoteraa ku vindu vilolekaa mba, navuzwa ku vindu vitalolekaa. Ivindu vilolekaa vimenya ku ing'inga ngekeeke vuzwa, navuzwa vitalolekaa vihindiraa mihiga ni mihiga.

2 Vakorintho 5:7

Komenyi kigira lisuuvira mu Mwami Yeso; sikomenyi kigira lilola vuzwa mba.

2 Vakorintho 9:15

Gendi kusandizi Nyasaye kigira kihaanwa chiche kitaveeye ne kegero.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 3:19

Yee, muduuki kumanya uvuyanzi vwa Kristo uvuvitaa limanya liosi, ndi muduuki kwizulwa ligali nu vuduukiru vwosi vwa Nyasaye.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Vafilipi 1:25

Mbeeye ni lisuuvira ni yaga, kandi manyi ndi ndakamenye. Nazizagilira komeeda ku lizizagilira lienyu kandi vusangali mu lisuuvira,

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vafilipi 4:4

Mu sangale mu Mwami kazozo. Mboraa kandi musangare!

Vahebraina 11:1

Kuva ni lisuuvira ni kuva na giligali gi vindu via kulindiliraa, kandi vindu via kutanyala kolola.

Vahebraina 11:27

Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

1 Petro 1:6

Musangare ligali mu yaga, kali niiva gamudukira muve niliverera kigira magerizu manyingi aga munyoora

1 Petro 2:7

Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.